Eksodha 14:22 - Bhiblia Yo Sawuleka

²² Se vanana va ka Israyeli va to wulela ngu hagari ka linene, na mati ma di phwite; mati ma to maha maguma mambidi, dimwani txineneni ni dimwani txibhabha.

Eksodha 14:22 Referans Kwoze

Vahebheru 11:29

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Masalmo 66:6

Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

Masalmo 78:13

Txi tute linene, kasiku vona ve txhatuka, txi emisile mati, ma txi nga diseta.

Eksodha 15:19

Nguko mbimo yile mahantxhi a Faro, ni sikotxikani sakwe, ni vagadhi va mahantxhi, va nga wulela lineneni, Mkoma a mahile ti to mati ma txi tshangana txitimwi kwawe; na kuve vanana va ka Israyeli va pindile ku di omile hagari ka linene.

Eksodha 14:29

Ti di ngeto, va ka Israyeli va to pinda ngu hagari ka Linene la kuoma; mati ma ti mahile diguma ngu txinene ni txibhabha.

1 Vakorinto 10:1

Vanathu, kha ni ti lavi ku mi sisela ati ta ku votshe vatate vathu va ve hahatshi ka direfu ni ti ta ku votshe va tshawunyetile linene.

Isaya 63:13

Awule a nga va tsimbitisa mazivani, kufana ni dihantxhi txiwulani, kasi ku va si humbwi kani?

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Mitengo 33:8

Se va to khukha ngu Pi-Hayiroti, ve txhatuka ngu hagari ka linene, kala txiwulani, va to tsimbila mndani ka masiku mararu txiwulani ka Etani, veya humula Mara.

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

Joxuwa 4:22

Mi na txhamusela ka vanana vanu mi txi khanu: Israyeli a tshawunyetile Jordhani muwa, na ku di omile.

1 Samuwele 25:16

Vona i ti ti diguma dathu wusiku ni mitshikari, ka otshe masiku ale hi nga ti navo hi txi dyisa tinvuta.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Masalmo 74:15

U khulongisile sisima ni milonga u txi womisa minambo ya mati a mtamo.

Masalmo 136:14

Kambe a txhatukisile Israyeli ngu hagari ka lona; nguko lirando lakwe nda kala kupinduka!

Isaya 43:16

Mkoma, a womba tiya, awu a nga dhoda nzila lineneni, ni lisoko amu ka mati a hombe;

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

Masalmo 106:9

Txizimu txi kawukile Linene lo Bhilivila, se linene li txi phwa. Txi va txhatukisile ngu ha kuetani ka linene, va txi nga vo tsimbila txiwulani.

Masalmo 136:13

Awule a nga abanisa Linene lo Bhilivila ngu madhawa mambidi; nguko lirando lakwe nda kala kupinduka!

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?