Eksodha 14:21 - Bhiblia Yo Sawuleka

²¹ Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Eksodha 14:21 Referans Kwoze

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Masalmo 66:6

Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?

Masalmo 78:13

Txi tute linene, kasiku vona ve txhatuka, txi emisile mati, ma txi nga diseta.

Masalmo 74:13

Awe, Txizimu, u abanisile linene ngu mtamo wako; u ganyatete misungo ya vamwamilambo va linene.

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Joxuwa 4:23

Nguko Mkoma, Txizimu txanu, a omisile mati a Jordhani masoni kwanu, kala kuza mi txi txhatuka, kufana ni kule Mkoma, Txizimu txanu, a nga maha ka Linene lo Bhilivila, a nga li omisa masoni kwathu, kala kuza hi txi tshawunyeta.

Masalmo 136:13

Awule a nga abanisa Linene lo Bhilivila ngu madhawa mambidi; nguko lirando lakwe nda kala kupinduka!

Eksodha 14:16

Awe, guleta ndonga yako, u txi nawuluta dianza dako, u txi di komba txitimwi ka linene, u txi li abanisa, ti to vanana va ka Israyeli va txi tsimbila mu ko oma, ngu hagari ka linene.

Isaya 51:15

Nguko ani ngani Mkoma Txizimu txako, txi txi bhandako linene, ni kudhindisa mavimbi a lona. Mkoma wa Mabutho a Tiyimbi, ngu dona ditina dangu.

Jobe 26:12

Txa bhanda linnene ngu mtamo wa txona, kambe ngu wutxhari wa txona, txa wisa kutikulisa ka lona.

Mithumo 7:36

Ngene a nga va humisa ngu kumaha sidiwukiso ni sikombiso ditikoni ka Egipta, ni Lineneni ko Bhilivila, ni txiwulani, mndani ka mune wa magumi a malembe.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Eksodha 7:19

Mkoma a wombile kambe ka Mosi, a txi khene: “Gela Aroni u txi khawe: Teka ndonga yako u txi guleta dianza dako txitimwi ka mati a Egipta, txitimwi ka minambo yawe, txitimwi ka milonga yawe, txitimwi ka magova awe ni txitimwi ka sisima sawe sotshe, kasi mati ma na txitxeka ma txi maha mnoha. Wu na maneka mnoha mu ditikoni kotshe ka Egipta, hambi ni mu ka siya so vatwa mwendo sa marigwi!”

Eksodha 14:20

ngu ka toneto, direfu di manekile di txi zumbela hagari ka dibutho da yimbi ya Vaegipta ni va ka Israyeli; aniko ngu ka Vaegipta direfu i ti da mtema wa hombe, aniko, ka va ka Israyeli di ti ti va woningeta. Ngu mhaka yeto, Vaegipta kha va sikota kumanela va ka Israyeli ka wusiku wotshe.

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

Isaya 23:11

A nawulutile dianza txitimwi ka linene, kambe a vhinganyisile mifumo; Mkoma a rumile kuwukela Kanana, ati to ku txi khundumuswa mikhokhola yakwe.

Isaya 43:16

Mkoma, a womba tiya, awu a nga dhoda nzila lineneni, ni lisoko amu ka mati a hombe;

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Isaya 63:13

Awule a nga va tsimbitisa mazivani, kufana ni dihantxhi txiwulani, kasi ku va si humbwi kani?

Habhakuki 3:8

Ina Mkoma u ngava u txi henyela minambo kani? Ina mwendo u henyete sinambwana, ni ku mwendo u henyete linene, ka kuza u tsimbila u di gadhile mahantxhi ako, u kwela sikotxikani sako so hulukisa kani?

Jobe 38:24

Yi hani nzila yile liwoningo li abanekako ka yona kani, se moya wa wutxani wu txi hangalaka ha mafuni kani?

Masalmo 148:8

tinyangafula ni maralala, hunguva ni txyandela; moya wa hombe wu engisako dipswi dakwe;

Isaya 44:27

ni ku khani ka kutshima: Phwana! Se ani ni na phywisa minambo yako;