Eksodha 14:15 - Bhiblia Yo Sawuleka

¹⁵ Sekoko Mkoma a to khene ka Mosi: “Ngu kutxani u peka huwa kwangu kani? Va gele vanana va ka Israyeli ve tsimbila va txi ya masoni.

Eksodha 14:15 Referans Kwoze

Joxuwa 7:10

“Sekoko Mkoma a to khene ka Joxuwa: Khukha! Ngu kutxani u txi namisa khohe yako kani?”

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Eksodha 17:4

Se Mosi a to khongela ka Mkoma, a txi khene: “Ni na maha txani ngu vathu vava kani? Ko sala kudotho, va lava ku ni balisela ngu marigwi.”

Eksodha 14:14

Mkoma a na lwa ngu nganu, kambe anu mi na malala mi txi dwe!”

Eksodha 14:16

Awe, guleta ndonga yako, u txi nawuluta dianza dako, u txi di komba txitimwi ka linene, u txi li abanisa, ti to vanana va ka Israyeli va txi tsimbila mu ko oma, ngu hagari ka linene.

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.

2 Vafumeli 17:36

Aniko ka Mkoma, a nga mi humisa ngu mtamo wa hombe ditikoni ka Egipta, ni diwoko do nawulutwa, mi na thava enewu, ni ku mkhizamela, mi phaxela kwakwe.

2 Vafumeli 20:11

Sekoko mprofeti Isaya a to khongela ka Mkoma; se a to wuyisa mtsudi ngu lipimo la digumi da mazambo, i ku mazambo ale diwatxhi da ditambo da Akazi di nga ti wekete ngu ona.