Eksodha 14:14 - Bhiblia Yo Sawuleka

¹⁴ Mkoma a na lwa ngu nganu, kambe anu mi na malala mi txi dwe!”

Eksodha 14:14 Referans Kwoze

Dhewuteronome 3:22

Mi nga va thaveni, nguko Mkoma, Txizimu txanu, ngene a mi lwelako!”

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Joxuwa 23:3

kambe anu mi ti woni totshe ti Mkoma, Txizimu txanu, a nga maha ka otshe matiko awa ngu mhaka yanu. Kunene, Mkoma, Txizimu txanu, ngene a nga lwa a txi mi vhikela.

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

2 Makronika 20:29

Se mbimo yi mifumo yotshe ya matiko ale yi nga pfa ti to Mkoma a lwete va Israyeli ka valala vakwe, yi to thava Txizimu.

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Eksodha 15:3

Mkoma ngene i ku ndena ya kulwa; ditina dakwe ngene Mkoma.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Nehemiya 4:20

Ka wukhalo wu mi no pfa diguwa da mpundu, mi na sengeletana kumweko ni nathu koneho; Txizimu txathu txi na hi lwela.

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 10:14

Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

Joxuwa 10:10

Se Mkoma a to va vhinganyisa masoni ka va ka Israyeli, se va ka Israyeli va to va peka va txi va khozisa, hafuhi ka Gibheyoni, va txi va girimusa ngu nzila ya kuya Bheti-Horoni, va txi va khozisa kala kuhoka Azeka ni Makedha.

Valamuli 5:20

Tinyeleti ti lwite, txitimwi nzumani, amu tinzilani ka tona ti lwite, ti txi wukela Sisera.

Eksodha 14:15

Sekoko Mkoma a to khene ka Mosi: “Ngu kutxani u peka huwa kwangu kani? Va gele vanana va ka Israyeli ve tsimbila va txi ya masoni.

1 Samuwele 4:7

Se Vafilista va to thava, nguko va ti ti kha vona: Txizimu txi tile wugoveloni. Va txi kha vona kambe: Dikhombo kwathu! Nguko kha ti khali kumaheka to fana ni tiya ka masiku a kale.

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Masalmo 35:1

Mkoma, abanisa avale va ni mangalelako; u txi lwa ni vale va ni lwisako.

Sidilo 3:26

Ndinene ngako m'thu a txi laphisa mbilu a txi verela ngu kuthutha tito, Mkoma a na muhulukisa.