Eksodha 14:10 - Bhiblia Yo Sawuleka

¹⁰ Mbimo yi Faro a nga hoka hafuhi, vanana va ka Israyeli va to gula maso ve wona ti to Vaegipta ndiva, va ta ngu msana kwawe. Va to va ni kuthava ka hombe; sekoko vanana va ka Israyeli va to dila ka Mkoma.

Eksodha 14:10 Referans Kwoze

Masalmo 107:6

Aniko kupandisekani kwawe, va to dila ka Mkoma se ene a to va hulukisa kuxanisekani kwawe.

Masalmo 34:17

Vo lulama va dhana Mkoma se ene wa va pfa, a txi va hulukisa, ka sotshe sixaniso sawe.

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Joxuwa 24:7

Se va to dila ka Mkoma, ene a to veka mtema hagari kwanu ni Vaegipta, e wuyisa linene txitimwi kwawe li va mita. Anu mipune mi ti woni ngu maso anu, ati ani ni nga maha Egipta. Msana keto, mi zumbile txiwulani masiku amangi.

Masalmo 106:44

Kambe Mkoma, mbimo yi a nga va wona va txi pandiseka, e engisa kudila kwawe,

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

2 Makronika 18:31

Ka mbimo yile vathangeli va yimbi va nga wona Josafati, va to kha vona: Ngu ditshuri ngene wule mfumeli wa ka Israyeli. Se va to tshuketela kuya mlwisa; konaho Josafati a to peka huwa; se Mkoma Txizimu txi to mlamulela, ngu ku va jikisa.

1 Johani 4:18

Ku walo kuthava amu ka lirando, nguko lirando la kuhetiseka li tovela kuthava. Kuthava kutsimbilelana ni kutsayiswa; se awu a thavako kha nga ni lirando lo hetiseka.

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.

Isaya 7:2

Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Masalmo 107:28

Sekoko va to dila ka Mkoma kupandisekani kwawe, se ene a to va xanguta kuxanisekani kwawe.

Masalmo 107:19

Sekoko va to dila ka Mkoma kupandisekani kwawe, se ene a to va xanguta kuxanisekani kwawe.

Masalmo 107:13

Sekoko, va to dila ka Mkoma kupandisekani kwawe, se ene a to va xanguta kuxanisekani kwawe.

Eksodha 15:25

Se Mosi a to dila ka Mkoma, se Mkoma a to mkomba txipulangwana, Mosi a to txi rola e txi txi vinza matini, se mati ma to maha o lombela; konaho Mkoma a to va ninga sileleto ni sirumo, ngu kona hale a nga va xola kona.

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Eksodha 13:17

Ngako Faro adi lekile va ka Israyeli va txi huma, Mkoma kha va tsimbitisa ngu nzila yi yi tshawunyetako ditiko da Vafilista, hambiko i ku ya txikhangawula, nguko Txizimu txi pimisile ti to va ka Israyeli ngu kuthava yimbi, va nga thuka va txi tshumela va txi ya ditikoni ka Egipta.

Joxuwa 24:6

Se ngako ni di humisile vatate vanu ditikoni ka Egipta, va to hoka lineneni.