Msana keto, ni to wona yimwani ngelozi ya mtamo, yi txi txhika ngu nzumani. Yi ti ambate direfu; ni wulaho wa nzumani wu di ha msungo ka yona; khohe ya yona yi ti fana ni ditambo, minenge ya yona yi ti fana ni tiphande ta mndilo,
Ka mbimo yoneyo, Ngelozi ya Txizimu, ayi yi nga ti thangela mabutho a va ka Israyeli, yi to khukha yi txi zumbela msana kwawe. Ni yona phande ya direfu yi to guleka yi txi khukha masoni kwawe yi ta manekela msana;
Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.
Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.
Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.
Nguko direfu da Mkoma di ti ti fenengeta ditenda do sawuleka ni mitshikari, se ni wusiku mndilo wu wu nga ti tura mu direfuni wu ti ti woninga yotshe nyumba, na va txi ti wona vanana va ka Israyeli, ka otshe masiku a dipfhumba dawe.