Eksodha 13:21 - Bhiblia Yo Sawuleka

²¹ Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Eksodha 13:21 Referans Kwoze

Nehemiya 9:12

Se u va kombile nzila ni mitshikari ngu direfu, ni wusiku u va kombile nzila ngu phande ya mndilo, kasi kuwoninga nzila yi va no tsimbila ngu yona.

Masalmo 99:7

Txizimu txi wombawombile navo txi di mndani ka marefu; vona va ti ti xayisa sileleto ni milayo yi txi nga va ninga.

Dhewuteronome 1:33

awule a nga thangela masoni, a txi mi lavela wukhalo, kasi ku mi txi gova ka wona, ni wusiku a txi mi woninga ngu mndilo, ti to mi mana kuwona nzila yi mi fanelako kutsimbila ngu yona, ni mitshikari a txi mi komba nzila ngu direfu.

Masalmo 105:39

Txizimu txi to nawuluta direfu txi fenengeta va ka Israyeli ni mitshikari txi wuyisa mndilo wa ku va woninga ni wusiku.

Masalmo 78:14

Ni mitshikari, txi ti va komba nzila ngu direfu se, ni wusiku, txi ti va woninga nzila ngu mndilo.

Nehemiya 9:19

Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

Mitengo 14:14

Se vona va na womba ka vaaki va diya ditiko, nguko vona va engisile ti to awe Mkoma, u zumba hagari ka vava vathu, ni ti to awe wa kombisa khohe yako, ni direfu dako di zumba txitimwi kwawe, ni yimwani mhaka ta ziwa ti to ni mitshikari wa thangela masoni kwawe ngu direfu, ni wusiku kambe waho ngu kutura ka mndilo.

Mitengo 10:34

Direfu da Mkoma di ti ti txitimwi kwawe ni mitsikari, kukhukhani kwawe ngu wugoveloni.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Dhewuteronome 31:8

Mkoma koko a na thangela masoni kwako ene a na va ni nawe; kha na mbi kuleka, kambe kha na mbi kutshotsha; u nga thave txilo, kambe u nga dhudhumele.”

Masalmo 68:7

Txizimu, mbimo yi u nga huma u txi thangela masoni ka vathu vako, u txi tshawunyeta navo txiwula,

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Eksodha 10:10

Sekoko Faro a wombile a txi khene: “Mkoma a nave ni nanu, nga ti ani ni txi mi leka mi txi tsula ni vanana vanu; wonani ti to mi na ni mipimiso yo biha!

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”