Eksodha 13:17 - Bhiblia Yo Sawuleka

¹⁷ Ngako Faro adi lekile va ka Israyeli va txi huma, Mkoma kha va tsimbitisa ngu nzila yi yi tshawunyetako ditiko da Vafilista, hambiko i ku ya txikhangawula, nguko Txizimu txi pimisile ti to va ka Israyeli ngu kuthava yimbi, va nga thuka va txi tshumela va txi ya ditikoni ka Egipta.

Eksodha 13:17 Referans Kwoze

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Mithumo 7:39

Awule vatate vathu va nga lamba ku mu engisa, senikoko va to mu rethela kule, ve tshumelela Egipta ngu mialakanyo yawe,

Dhewuteronome 20:8

Se va na simama vathangeli va mazana ve womba ka vathu, va txi kha vona: “I mani a ku ni dizowa, awu a nga wika msana kani? A na khukhe a txi tsula m'tini kwakwe, kasi wupwembwe wakwe wu si tshapeli ka vanawe.”

Mithumo 15:38

Kambe Paulo a woni ti to kha ti faneli kutsula ni m'thu wuwa a nga hambana navo Panfiliya, ngu kulamba kuvhunetana navo.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Valamuli 7:3

Konkuwa tsula u txi ya gela vathu ku khawe: Awu a ku ni dizowa i ku dipwembwe, a na khukhe mmangoni ka Gileyadhi e tshumelela msana. Konako ku to khukha 22.000 wa vavamna, ve tshumela, kusala 10.000 dwe.

Vahebheru 11:27

Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Eksodha 14:10

Mbimo yi Faro a nga hoka hafuhi, vanana va ka Israyeli va to gula maso ve wona ti to Vaegipta ndiva, va ta ngu msana kwawe. Va to va ni kuthava ka hombe; sekoko vanana va ka Israyeli va to dila ka Mkoma.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.