Eksodha 13:11 - Bhiblia Yo Sawuleka

¹¹ Ka mbimo yi Mkoma a no mi hokisa ditikoni ka Vakanana, nga ti a nga xambanya kwanu ni ka vatate vanu, ngako a di mi ningile,

Eksodha 13:11 Referans Kwoze

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Eksodha 32:13

Khumbula sithumi sako Abrahamu, Isaake ni Israyeli, avale u nga xambanya kwawe u txi khawe: Ni na andisa liveleko lanu li txi nga tinyeleti ta nzumani, kambe ni na ningela dotshe ditiko diya ka vanana vanu adile ni ngadi womba, kasi ku dimaha thomba yawe, kala kupinduka.”

Mitengo 11:12

Ina ngani ni ku tate ni mame wa ngamu yiya yotshe kani? Ina ngani ni nga va veleka, aha ka kuza u ni gela ku khawe: “Va beleke ha msana kwako, nga txikhonje txi belekako mwanana ha msana, u txi va yisa ka ditiko u nga thembisa ngu txixambanyo ka vatate vathu kani?”

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.