Eksodha 12:8 - Bhiblia Yo Sawuleka

⁸ Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Eksodha 12:8 Referans Kwoze

Eksodha 34:25

U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.

Dhewuteronome 16:7

Sekoko u na bhika nyama, u yi dyela ka wukhalo wule Mkoma, Txizimu txako a no wu sawula; ni mixo u na tshumela u txi tsula ditendani kwako.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Eksodha 23:18

U nga ningele mnoha wa mphaxo wangu kumweko ni dipawu do tshumbelwa; kambe ku nga sale mafura a ku ni lumba amu ka m'buso, kukhukhela wusiku kala ni mixo.

Eksodha 13:7

Mndani ka mtxhanu wa masiku ni mambidi mi na dya mapawu o mbi tshumbelwa; mitini kwanu kha ku na mbi maneka txilo txo tshumbelwa; hambi ni kotshe mu ditikoni kwanu.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 1:14

ngu kumaha keto, va to va pfisa kupanda kuhanyani kwawe, ngu wukhumbi wo nemela, ngu kuvhuva txitsowo ni kubhaka sitini, mithumo yo hambana-hambana, ya tithembweni ni mithumo yotshe yi va nga txi va ruma ku yi maha.

1 Vatesalonika 1:6

Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka;

Vagalatiya 5:9

Mtshumbelo wa wudotho wa vilisa wurathi wotshe.

Matewu 26:26

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Matewu 16:12

Ngu kona va nga ti mana ti to Jesu a sa womba ti to ve ti wonela ka mtshumbelo wa mapawu, aniko ka tigondo ta Vafarisi ni vasadhusi.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Eksodha 12:9

Mi nga dyeni ni txa tximwetxo txa tximbisu, hambi txo bhikwa ngu mati, aniko mi na dya so bawulwa ha mndiloni: Msungo ni masondo ni sa mndani.

2 Makronika 35:13

Va to yoka nyama ya sihari sa Pasika ha mndiloni, madingano ni sileleto sa kona, se nyama yimwani va to yi bhika ngu mu ka tikhadi, ni mu ka mabhota ni mu ka magalangu, se va di vitusile va to phamela votshe vathu.