Eksodha 12:6 - Bhiblia Yo Sawuleka

⁶ mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Eksodha 12:6 Referans Kwoze

Levhi 23:5

Ka mtxima wo khata, ka ditshiku da digumi ni mune ka mtxima, ni minova, i Pasika ya Mkoma;

Mitengo 28:16

Aniko ka mtxima wo khata, ka ditshiku da digumi ni mune ka mtxima, i Pasika ya Mkoma.

Mitengo 9:11

Va na dya ni vona ngu ditshiku da dingumi ni mune, ka mtxima wa wumbidi, ni minova ya kona, va na dya txinvutana txa Pasika, ni mapawu a kwa mbi tshumbelwa, ni mazokoro o bava.

Eksodha 12:18

Ka mtxima wo khata, ka ditshiku da digumi ni mune da mtxima, ni minova, mi na dya mapawu o mbi tshumbelwa kala ni minova ya ditshiku da magumi mambidi ni dimwedo ka mtxima wonewo.

Mithumo 4:27

“Kha ditshuri va buthanile ka didhoropa diya Herodha ni Ponsio Pilato, ni vamatiko ni tixaka ta Israyeli, ve wukela txithumi txako txo sawuleka, awu u nga mu maha Mesiya.

Ezekhiyele 45:21

Ka mtxima wo khata, ngu ditshiku da digumi ni mune ka mtxima, mi na va ni Pasika, i ku mpipi wa mtxhanu wa masiku ni mambidi; ku na dyiwa dipawu da kwa mbi tshumbelwa.

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

Luka 23:18

Aniko konaho votshe va to kwangula ngu dipswi dimwedo, va txi kha vona: “Daya wuwa, u txi hi thukunyulela Bharabhasi!”

Luka 23:1

Se va to khukha votshe va txi mu heleketa ka Pilato;

Marku 15:25

I ti txikhati txa wuraru, mbimo yi va nga mu bethela ha txihambanoni.

Marku 15:11

Vaphaxeli va hombe va to kujetela dibutho ti to ve kombela kuthukunyulwa Bharabhasi.

Marku 15:8

Se dibutho da vathu va to kwela veya banzani veya khata kukombela ka Pilato ti to e maha ati a tolovelako ku va mahela.

Marku 15:1

Ni mixo, vaphaxeli va hombe va to tshangana ve maha txikungo kumweko ni madhota ni vabhali ni dotshe Dibanza. Sekoko, va di sungile Jesu, va to mteka ve tsula veya mningela ka Pilato.

Matewu 27:25

Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

Matewu 27:20

Aniko vaphaxeli va hombe ni madhota a ditiko va to kujetela dibutho ti to ve thusa Bharabhasi, ve leka Jesu e dawa.

Mitengo 28:18

Ka ditshiku do khata, ku nava ni msengeletano wo sawuleka; mi nga dhuke mi txi thuma mthumo wa kunemela, ngu dona ditshiku diya.

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Eksodha 12:17

Mi na vekisa m'buso wa mapawu o mbi tshumbelwa nguko ngu ka dona ditshikudo ni nga maha ti to dibutho danu da yimbi di txi huma ditikoni ka Egipta. Anu ditshiku diya mi na di vekisa ni tiveleko tanu, awuwa i mthetho wa yotshe mbimo.

Eksodha 12:47

Wotshe msengeletano wa ka Isareli, wu na maha toneto ngu m'buso wa Pasika.

Eksodha 16:1

Va to khukha Elime, msengeletano wotshe wa vanana va ka Israyeli aha va nga ya hoka txiwulani ka Simi, ku manekako hagari ka Elime ni Sinayi, ka ditshiku da digumi ni mtxhanu ka mtxima wa wumbidi, msana ka kuva va di humile ngu Egipta.

Eksodha 19:1

Ka ditshiku do khata amu ka mtxima wa wuraru, msana ka kuva va di humile ditikoni ka Egipta, ka ditshiku donedo, vanana va ka Israyeli va to hoka txiwulani, mmangoni ka Sinayi.

2 Makronika 35:1

Josiya a to maha Pasika ya Mkoma kona Jerusalema, ve daya txihambana txa Pasika ngu ditshiku da wugumi ni mune da mtxima wo khata.

Ezra 6:19

Se avale va nga wuya ngu wukhumbini, va to maha Pasika, ka ditshiku da digumi ni mune ka mtxima wo khata.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.