Eksodha 12:5 - Bhiblia Yo Sawuleka

⁵ Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Eksodha 12:5 Referans Kwoze

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Dhewuteronome 17:1

“U nga mahe mphaxo ka Mkoma, Txizimu txako, ngu homu mwendo nvuta, yi yi ku ni txibawa mwendo wulima, nguko eto ta nyenyeka masoni ka Mkoma, Txizimu txako.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Levhi 23:12

Ka ditshiku di nyanda yi no ndiwitelwa, mi fanete kumaha mningelo wo hiswa ka Mkoma, ngu txinvutana txa dilembe dimwedo, txo mbi na wulima.

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

1 Samuwele 13:1

Sawule a ti ti ni dilembe dimwedo da kufuma kwakwe, se ka dilembe da wumbidi a to fuma txitimwi ka Israyeli.

Eksodha 12:4

Aniko ngako mtengo wa vathu wa ha mwayani wu si dingani kuheta txinvutana, kulaveka va txi patana ni vaakelani vawe, mi txi bala mtengo wa vathu, madingano ni ti m'thu a dyisako tona.

Mitengo 7:57

ni dirole, ni hamba, ni txinvutana txa dilembe dimwedo, kasi kumaha mningelo wo hiswa;

Mitengo 7:39

Ku ti ni dirole da matune, ni hamba, ni txinvutana txa dilembe dimwedo, kasi kumaha mphaxo wo hiswa;