Eksodha 12:46 - Bhiblia Yo Sawuleka

⁴⁶ M'buso wa Pasika wu na dyelwa nyumbani, kambe mi nga tekeni ka yoneyo nyumba txitsundu ni txa tximwetxo txa nyama mi txi huma natxo hahanze. Ni kambe mi nga funyeni dirambu ni da dimwedo.

Eksodha 12:46 Referans Kwoze

Johani 19:36

Nguko totshe tiya ti mahekile kasi kutatiseka ati ti nga bhalwa, va txi kha vona: “Dirambu dakwe ni da dimwedo kha di na mbi funywa.”

Mitengo 9:12

Se mbimo ya kudya, va nga siye txo tadya mangwana, kambe va nga funye dirambu ni da dimwedo; mi na maha madingano ni sotshe sileleto sa Pasika.

Johani 19:33

Kambe mbimo yi va nga hokela Jesu, ve wona ti to se a fite, kha va funyetela minenge yakwe.

1 Vakorinto 12:12

Ngu toneto, kufana ni mmidi i ku wumwewo, kambe wu ku ni sihango sasingi, asi, hambiko i ku sasingi, si mahako mmidi wawumwewo, ngu toneto nene Kristu.

Masalmo 34:20

Mkoma wa vekisa otshe marambu awe: Ni da dimwedo kha di na mbi funywa.

Masalmo 34:21

Vathu vo biha va fa ngu wubihi wawe; avale va nyenyako vo lulama va na tsayiswa.