Eksodha 12:42 - Bhiblia Yo Sawuleka

⁴² Wusikuwo, Mkoma a nga pila a txi maha ti to vanana va ka Israyeli va txi huma ditikoni ka Egipta, wu fanete ku va i di wusiku wa kupila, ka votshe vanana va ka Israyeli, va txi khozela Mkoma, ka tixaka totshe ta liveleko lawe.

Eksodha 12:42 Referans Kwoze

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Eksodha 13:10

Ngu mhaka yeto mlayo wuwa mi na wu vekisa ka mbimo yi yi nga emiselwa, ka dilembe ni dilembe.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 34:18

Vekisa m'buso wa mapawu o mbi tshumbelwa; amu ka mtxhamu wa masiku ni mambidi, u na dya mapawu o mbi tshumbelwa, amu ka mtxima wa Abhibha, nguko ngu wona mtximewo u nga huma ngu wona ditikoni ka Egipta.

Masalmo 136:11

Kambe a thavisile Israyeli hagari ka Vaegipta; nguko lirando lakwe nda kala kupinduka!