Eksodha 12:41 - Bhiblia Yo Sawuleka

⁴¹ Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 12:41 Referans Kwoze

Mithumo 1:7

Ene a to va xamula, a txi khene: “Kha ti lumbi anu kuziva sikhati mwendo timbimo ti ene Tate a nga ti emisela ngu wuhombe wakwe.

Johani 7:8

Tsulani anu, m'busoniyo, nguko mbimo yangu kha yi nzi kuhetiseka.”

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Masalmo 102:13

Wuka, Mkoma, telwa ngu wumbilu ngu Siyoni; se i mbimo ya ku m'divalela! Txi hokile txikhati txa kona!

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 12:17

Mi na vekisa m'buso wa mapawu o mbi tshumbelwa nguko ngu ka dona ditshikudo ni nga maha ti to dibutho danu da yimbi di txi huma ditikoni ka Egipta. Anu ditshiku diya mi na di vekisa ni tiveleko tanu, awuwa i mthetho wa yotshe mbimo.

Eksodha 7:4

Faro koko kha na mbi mi engisa; hambi ka toneto ani ni na veka dianza dangu txitimwi ka Egipta, nina humisa mabutho angu mu ditikoni ka Egipta, vona vathu vangu, vanana va ka Israyeli, ngu sitsayiso sa hombe.

Eksodha 3:10

Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Mithumo 7:36

Ngene a nga va humisa ngu kumaha sidiwukiso ni sikombiso ditikoni ka Egipta, ni Lineneni ko Bhilivila, ni txiwulani, mndani ka mune wa magumi a malembe.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 13:16

Nguko eto ti nava i di txikombiso kwako, i di txialakanyiso ha mbanza kwanu, nguko Mkoma a hi thavisile ditikoni ka Egipta ngu mtamo wakwe wa hombe.

Levhi 23:43

Kasi totshe tiveleko tanu ti txi ziva tito, mbimo yi ni nga humisa vanana va ka Israyeli ditikoni ka Egipta, ni va vekile amu ka matenda ve zumba. Ani ngani Mkoma, Txizimu txanu!

Mitengo 23:22

Txizimu txi va humisile Egipta. Txi va ningile mtamo wa nyari.

Mitengo 33:1

Aawa ngu ona mapfhumba a vanana va ka Israyeli, va nga huma ngu ditikoni ka Egipta, madingano ni mabutho awe, ngu dianza da Mosi ni da Aroni.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Dhewuteronome 16:1

Xayisa mtxima wa Abhibha, u mahela Mkoma, Txizimu txako, Pasika, nguko mtxima wa Abhibha ngu wona mtxima wule Mkoma, Txizimu txako, a nga kuhumisa ngu ka wona, ni wusiku, ditikoni ka Egipta.

Joxuwa 24:5

Ngu msana ni rumete Mosi ni Aroni kasi kuxanisa Egipta ngu sidiwukiso si ni nga maha hagari kwakwe; kambe ngu msana, ni mi humisile kona.

1 Vafumeli 6:1

Ti mahekile tito, ngu dilembe da 480, msana ka kuva vanana va ka Israyeli va di humile ngu Egipta, ka dilembe da wumune Solomoni a txi fumela Israyeli, ka mtxima wa zive (awuwa mtxima wa wumbidi), Solomoni a to khata kuaka Nyumba ya Mkoma.

2 Makronika 14:12

Mkoma a to dayela va Etiyopiya masoni ka Asa, ni masoni ka va ka Judha, se va Etiyopiya ve tutuma.

Masalmo 114:1

Mbimo yi Vaisrayeli va nga huma ngu Egipta, txikhati txi nyumba ya Jakobe yi nga rura ditikoni ka vanyamthuvo,

Masalmo 136:11

Kambe a thavisile Israyeli hagari ka Vaegipta; nguko lirando lakwe nda kala kupinduka!