Eksodha 12:34 - Bhiblia Yo Sawuleka

³⁴ Ti di ngeto, va ka Israyeli, va to teka fulaho yo vhuwa, yi sanzi kutshumbelwa, ni so vhuvela ka sona ve si sunga ni sijumba, kumweko ni madhamba awe, va to rwala ngu makata awe.

Eksodha 12:34 Referans Kwoze

Eksodha 8:3

Mnambo wu na tala ngu makhele, ona ma na kwela ma txi wulela mu nyumbani kwako, mu txibhiyani kwako ko otela kona, txitimwi ka m'bhedhu wako, ni mu tinyumbani ka mahalamu ako ni ka ngamu yako yotshe, ni mu sikhoni kwako, ni mu timbiyani kwako.

Matewu 13:33

Se a to engeta e va gela tximwani txidinganiso a txi khene: “Mfumo wa nzumani wu fana ni mtshumbelo, awu wamsikati wokari a wu tekako e wu pata mu ka mipimo yiraru ya mpupu, kala kuza sotshe si vila.”

Eksodha 12:39

Va to bhika mapawu o mbi tshumbelwa, a fulaho yi va nga teka ditikoni ka Egipta, nguko mpupu wo vhuwa wu ti sa tshumbelwa: Ngu mhaka ya ku va nga huma ngu kututumiswa ngu Vaegipta mu ditikoni kwawe, kambe kha va sikota kuema ku txi lulamiswa timbuva to dya ni nzila.