Eksodha 12:33 - Bhiblia Yo Sawuleka

³³ Vaegipta va to kurumeta vathu va ka Israyeli ti to va txi huma ngu kukuluveta mu ditikoni kwawe, na va txi womba va txi kha vona: “Hotshethu hi na fa.”

Eksodha 12:33 Referans Kwoze

Masalmo 105:38

Vaegipta va to tsaka ngu ku va wona ve huma, nguko va ti ti va thava ngutu.

Eksodha 11:1

Mkoma a wombile ka Mosi a txi khene: “Ni na wuyisa tximwani txixaniso txitimwi ka Faro ni ka Egipta. Konako a na mi leka mi txi khukha kona hawa. Mbimo yi ene a no mi ruma ti to mi txi tsula, ene kha na mbi mi leka dwe mi txi tsula, aniko a na mi tutumisa hawa.

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Eksodha 10:7

Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Eksodha 12:39

Va to bhika mapawu o mbi tshumbelwa, a fulaho yi va nga teka ditikoni ka Egipta, nguko mpupu wo vhuwa wu ti sa tshumbelwa: Ngu mhaka ya ku va nga huma ngu kututumiswa ngu Vaegipta mu ditikoni kwawe, kambe kha va sikota kuema ku txi lulamiswa timbuva to dya ni nzila.

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.

Dhaniyeli 3:22

Se ngako dipswi da mfumeli di nga ti nemete, ni txikho txi ti hisa ngutu, vavamna vale va nga rinza Xadreke, ni Mixake, ni Abhedhi-Nego va to dawa ngu m'dhikila wa mndilo.