Eksodha 12:32 - Bhiblia Yo Sawuleka

³² Tekani kambe mitxhambi yanu ya tinvuta ni ya tihomu, nga ti mi nga kombela, tsulani kambe ni katekiseni nani.

Eksodha 12:32 Referans Kwoze

Eksodha 10:26

Ni sona sifuyo sathu hi na tsula naso; kha ku na mbi sala hambi ni txala txathu, nguko hi na ya thavisa koneyo asi hi felako kukhozela ngu sona Mkoma, Txizimu txathu, hambi athu hi fanete kuya thavisa ka sona asi Mkoma a ku ni fanelo yo mahelwa mphaxo ngu sona, ngako hi di hokile koneyo.”

Genesisi 27:34

Mbimo yi Esawu a nga engisa mapswi a tate wakwe, a to dila ngu mtamo, a txi pandiseka ngutu, a txi womba ka tate wakwe, a txi khene: “Tata, ni katekise nani.”

Eksodha 10:9

Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Genesisi 27:38

Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.

Genesisi 15:14

Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe.

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.