Eksodha 12:31 - Bhiblia Yo Sawuleka

³¹ Sekoko Faro a to dhana Mosi ni Aroni, ka wona wusikuwo e womba tiya: “Khukhani, mi huma hagari ka vathu vangu, anu ni vanana vanu va ka Israyeli; tsulani, mi txi ya thumela Mkoma nga ti mi nga womba.”

Eksodha 12:31 Referans Kwoze

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Masalmo 105:38

Vaegipta va to tsaka ngu ku va wona ve huma, nguko va ti ti va thava ngutu.

Eksodha 10:9

Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 8:8

Se Faro a to ruma kudhanwa Mosi ni Aroni, a txi khene kwawe: “Kombelani ka Mkoma kasiku e thavisa makhele ahawa kwangu, ni na leka vathu va txi huma, kasi va txi ya maha mphaxo ka Mkoma.”

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Eksodha 10:29

Se Mosi a to khene: “U wombile tona: Kha ni na mbiswa ni txi wona khohe yako kambe.”

Eksodha 8:25

Sekoko Faro a to dhana Mosi ni Aroni, a txi khene: “Tsulani mi txi ya maha mphaxo wanu ka Txizimu txanu kona ditikoni muwa.”

Eksodha 11:1

Mkoma a wombile ka Mosi a txi khene: “Ni na wuyisa tximwani txixaniso txitimwi ka Faro ni ka Egipta. Konako a na mi leka mi txi khukha kona hawa. Mbimo yi ene a no mi ruma ti to mi txi tsula, ene kha na mbi mi leka dwe mi txi tsula, aniko a na mi tutumisa hawa.

Eksodha 12:39

Va to bhika mapawu o mbi tshumbelwa, a fulaho yi va nga teka ditikoni ka Egipta, nguko mpupu wo vhuwa wu ti sa tshumbelwa: Ngu mhaka ya ku va nga huma ngu kututumiswa ngu Vaegipta mu ditikoni kwawe, kambe kha va sikota kuema ku txi lulamiswa timbuva to dya ni nzila.

1 Samuwele 6:6

Mi ndi na bangisela txani koko timbilu tanu, kufana ni Vaegipta ni Faro va nga bangisa timbilu tawe kani? Ina msana kova va di va xanisile ngutu, kha va va leka ve tsula, vona kha va tsula kani?