Eksodha 12:3 - Bhiblia Yo Sawuleka

³ Wombani ka msengeletano wotshe wa ka Israyeli, mi txi khanu: Ngu ditshiku da digumi ka mtxima wuwa, mmwani ni mmwani a na ti tekele txinvutana tximwetxo ngu mwaya ni mwaya, txinvutana tximwetxo ngu m'ti ni m'ti.

Eksodha 12:3 Referans Kwoze

1 Vakorinto 5:7

Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 1:2

Gela vanana va ka Israyeli ku khawe: Ngako mmwenyo wanu a txi ninga mningelo ka Mkoma, mi na ningela miningelo yanu ya sihari, sa tihomu ni tinvuta.

Johani 12:12

Mangwanani ka kona, dibutho da hombe di nga ti tile M'busoni, ngako va di engisile ti taku Jesu wata Jerusalema,

Johani 1:36

Ku ti ngako a txi wona Jesu na a txi pinda, a to khene: “Wonani Txinvutana txa Txizimu.”

2 Makronika 35:7

Josiya a to ningela ka dianza da vanana va vathu 30.000 wa sivuntana ni tiphongo kasi kumaha ngu sona Pasika ya votshe va va nga titiho, ni 3.000 wa tihomu ti nga huma ka sifuyo sa mfumeli.

Mitengo 15:11

Ku na mahwa toneto ka didhuna dimwani ni dimwani, ni ka hamba yimwani ni yimwani, ni ka txifuyo tximwani ni tximwani txa tinvuta ni tiphongo.

Eksodha 12:6

mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 4:30

Se Aroni a to txhamusela mapswi otshe aale Mkoma a nga ma womba ka Mosi, se Mosi a to maha sikombiso masoni ka vathu.

Genesisi 22:8

Abrahamu a to xamula, a txi khene: “Txizimu ngu txona txi no ti lulamisela txihambana txa kuya maha ngu txona mhamba ya kuhiswa, mwanangu.” Se va to tsula ngu wumbidi wawe.

Genesisi 4:4

Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

1 Samuwele 7:9

Sekoko Samuwele a to teka txinvutana txo ngadi txi txi mama, e maha ngu txona txotshe mphaxo wo hiswa ka Mkoma; Samuwele a to kombelela va ka Israyeli ka Mkoma, se Mkoma a to mu engisa.

Joxuwa 7:14

Mangwana koko, mi na tshuketa hafuhi kwangu madingano ni tihunzu tanu; se ku na maheka taku, lihunzu li a no li sawula Mkoma li na tshuketa, madingano ni timwaya ta lona; se mwaya wu Mkoma a no wu sawula, wu na tshuketa madingano ni tinyumba ta wona; se nyumba yi yi no sawulwa ngu Mkoma yi na tshuketa madingano ngu m'thu ni m'thu.

Eksodha 20:19

Va to womba ka Mosi, va txi kha vona: “Awe womba-womba ni nathu, hi na engisa; aniko txi nga womba-wombe Txizimu ni nathu, kasi ku hi si fi.”

Eksodha 14:15

Sekoko Mkoma a to khene ka Mosi: “Ngu kutxani u peka huwa kwangu kani? Va gele vanana va ka Israyeli ve tsimbila va txi ya masoni.

Johani 12:1

Ngako ku di ngadi sate mtxhanu wa masiku ni dimwedo kasi ku nava Pasika, Jesu a to hoka Bhetaniya, ahawa a nga ti zumba kona Lazaro, awu a nga wuswa kufani ngu Jesu.

Eksodha 12:2

“Awuwa mtxima wu na va wo khata kwanu, wu na va wo khata mu ka dilembe.

Eksodha 12:4

Aniko ngako mtengo wa vathu wa ha mwayani wu si dingani kuheta txinvutana, kulaveka va txi patana ni vaakelani vawe, mi txi bala mtengo wa vathu, madingano ni ti m'thu a dyisako tona.

Eksodha 12:21

Sekoko Mosi a to dhana madhota otshe a ka Israyeli, a txi ta khene: “Tsulani, mi ya sawula txinvutana mwendo txihongwana tximwetxo mtxhambini, madingano ni mtengo wa timwaya tanu, mi txi daya, nguko i Pasika.

Ezekhiyele 40:1

Ka dilembe da wu magumi mambidi ni mtxhanu da wukhumbi wathu, kukhatani ka dilembe, ka ditshiku da wugumi da mtxima, msana ka digumi da malembe ni mune ku di khundumusilwe didhoropa, ka dona ditshiku dile dipune, di tile txitimwi kwangu dianza da Mkoma di ta ni yisa Jesrusalema.