Eksodha 12:27 - Bhiblia Yo Sawuleka

²⁷ Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Eksodha 12:27 Referans Kwoze

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

1 Vakorinto 5:7

Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe.

Eksodha 12:23

Nguko Mkoma a na pinda, kasiku e peka Vaegipta ngu lifo: Se ngako a txi wona mnoha ka mtshunzuti wa txitimwi ni ka misasimo yimbidi, ene a na pinda ngu hahanze ka ditimba asi tumeli ti to txirumwa txa kudaya txi wulela nyumbani kwanu, txi ta mi daya.

Nehemiya 8:6

Se Ezra a to dhumisa Mkoma, Txizimu txa hombe; vathu votshe va to xamula va txi “Amen! Amen!” Na va txi guleta mawoko; se va to khizama ve khozela Mkoma, va di namisile tikhohe hahatshi.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

2 Makronika 20:18

Sekoko Josafati a to nama e gwesa hahatshi ngu khohe, ni votshe va ka Judha ni vaaki va Jerusalema va to khizama masoni ka Mkoma ve mu khozela.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Dhewuteronome 16:5

U nga mahe mphaxo wa Pasika, amu ka madhoropa ale Mkoma, Txizimu txako, a no kuninga,

Dhewuteronome 16:2

Sekoko u nga mahele Mkoma, Txizimu txako, Pasika, u txi daya tinvuta ni tihomu, ka wukhalo wule Mkoma, Txizimu txako, a no wu sawula, kasi ku di zumba kona ditina dakwe.

Eksodha 34:25

U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.

Eksodha 34:8

Se koneko Mosi a to kuluveta a txi ti wisa hahatshi e khozela,

Eksodha 10:2

Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Eksodha 12:28

Vanana va ka Israyeli va to khukha va txi tsula va txi ya maha toneto; nga ti Mkoma a nga womba ka Mosi ni ka Aroni, va to maha nga toneto.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Eksodha 13:8

Ka donedo ditshiku, mmwani ni mmwani a na womba ka mwanakwe a txi khene: Ngu tiya Mkoma a nga hi mahela ngu mbimo yi hi nga huma ditikoni ka Egipta.

Masalmo 78:5

Ene a ningile mithetho ka va ka Israyeli, a ningile mlayo ka situkulwana sa Jakobe. A leletile ka vakale vathu ti to ve gondisa milayo yiya ka situkulwana sawe,