Eksodha 12:21 - Bhiblia Yo Sawuleka

²¹ Sekoko Mosi a to dhana madhota otshe a ka Israyeli, a txi ta khene: “Tsulani, mi ya sawula txinvutana mwendo txihongwana tximwetxo mtxhambini, madingano ni mtengo wa timwaya tanu, mi txi daya, nguko i Pasika.

Eksodha 12:21 Referans Kwoze

Eksodha 12:3

Wombani ka msengeletano wotshe wa ka Israyeli, mi txi khanu: Ngu ditshiku da digumi ka mtxima wuwa, mmwani ni mmwani a na ti tekele txinvutana tximwetxo ngu mwaya ni mwaya, txinvutana tximwetxo ngu m'ti ni m'ti.

Ezra 6:20

Nguko vaphaxeli ni va ka Levhi va ti ti sawulekile, va txi nga m'thu mmweyo dwe, se votshe va ti ti basile; va to daya txinvutana txa Pasika ya votshe vanana va wukhumbini, ni vanawe, vaphaxeli, ni vona vapune.

2 Vafumeli 23:21

Se mfumeli a to ninga txileleto ka votshe vathu, txo khene: Mahani Pasika ka Mkoma, Txizimu txanu, nga tile ti nga bhaliswa tona ka dibhuku da txitumelelano.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

Mitengo 11:16

Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

Eksodha 19:7

Mosi a to ramba madhota otshe a vathu a txi va txhamusela kambe ona mapswi aale Mkoma a nga m'gela ona.

Eksodha 17:5

Sekoko Mkoma a to khene ka Mosi: “Pinda u txi ya masoni ka vathu, u txi teka madhota okari a ka Israyeli; ñola manzani kwako ndonga yi u nga peka ngu yona mnambo, u txi thangela.

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

Eksodha 3:16

Tsula u txi ya tshanganisa madhota a ka Israyeli, u txi va gela tiya: Mkoma, Txizimu txa vatate vanu, Txizimu txa Abrahamu, Txizimu txa Isaake, ni Txizimu txa Jakobe, a wonekile kwangu, a txi ni gela tiya: Ngu ditshuri ni mi endete, ni woni ti mi mahwako kona Egipta.

1 Vakorinto 10:4

kambe votshe va sete sakusela simweso sa moya; kunene votshe va ti ti sela ka dirigwi da moya, adi di nga ti va londetela. Dirigwi diya i ti Kristu.

Vahebheru 11:28

Ngu likholo a mahile Pasika, a txi xwayela matimba ngu mnoha, kasiku mfuvisi asi gwesi vanana va matiwula a Vaisrayeli.

Eksodha 12:20

Ngu mhaka yeto kha mi na mbi dya dipawu do tshumbelwa: Ka makhalo otshe aale mi no maneka ka ona, mi na dya so mbi tshumbelwa.”