Eksodha 12:17 - Bhiblia Yo Sawuleka

¹⁷ Mi na vekisa m'buso wa mapawu o mbi tshumbelwa nguko ngu ka dona ditshikudo ni nga maha ti to dibutho danu da yimbi di txi huma ditikoni ka Egipta. Anu ditshiku diya mi na di vekisa ni tiveleko tanu, awuwa i mthetho wa yotshe mbimo.

Eksodha 12:17 Referans Kwoze

Eksodha 13:8

Ka donedo ditshiku, mmwani ni mmwani a na womba ka mwanakwe a txi khene: Ngu tiya Mkoma a nga hi mahela ngu mbimo yi hi nga huma ditikoni ka Egipta.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 12:6

mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Eksodha 12:24

Mi na veketa mthetho wuwa wu txi va i di mlayo kwanu ni ka vanana vanu kala kupinduka.

Eksodha 13:10

Ngu mhaka yeto mlayo wuwa mi na wu vekisa ka mbimo yi yi nga emiselwa, ka dilembe ni dilembe.

Eksodha 34:18

Vekisa m'buso wa mapawu o mbi tshumbelwa; amu ka mtxhamu wa masiku ni mambidi, u na dya mapawu o mbi tshumbelwa, amu ka mtxima wa Abhibha, nguko ngu wona mtximewo u nga huma ngu wona ditikoni ka Egipta.

Dhewuteronome 16:3

U nga dye dipawu do tshumbelwa; amu ka mtxhanu wa masiku ni mambidi u na dya dipawu da kuxaniseka, (nguko u humile ngu txikuluveta ditikoni ka Egipta) u na maha toneto ka otshe masiku a kuhanya kwako, kasi kukhumbula ditshiku da kuhuma kwako ngu Egipta.