Eksodha 12:16 - Bhiblia Yo Sawuleka

¹⁶ Ka ditshiku do khata mi na va ni msengeletano wo sawuleka, ni ka ditshiku da mtxhanu ni mambidi mi na va ni msengeletano wo sawuleka; kha mi na mbi ñola ni wawumwewo mthumo ka masiku oneyo, hahanze ka mthumo wa kululamisa asi mmweyo ni mmweyo a no dya.

Eksodha 12:16 Referans Kwoze

Mitengo 28:18

Ka ditshiku do khata, ku nava ni msengeletano wo sawuleka; mi nga dhuke mi txi thuma mthumo wa kunemela, ngu dona ditshiku diya.

Mitengo 28:25

Se ngu ditshiku da wutxhanu ni mambidi, mi na va ni msengeletano wo sawuleka; mi nga maheni mthumo wo nemela.

Eksodha 16:23

Ene a va gete a txi khene: “Ngu toneto, Mkoma a nga womba ku khene: Mangwana ditshiku do humula, i Sabbata yo sawuleka ya Mkoma. Bhikani si mi si lavako kubhika, mi katinga si mi lavako kukatinga, ni si si salako, si veketeni kala mangwana.”

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Levhi 23:35

Ka ditshiku do khata, ku nava ni msengeletano wa wukhongeli, mi nga maheni ni wawumwewo mthumo wo nemela.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Eksodha 20:10

Aniko ka ditshiku da wutxhanu ni mambidi, ditshiku da Sabbata da Mkoma Txizimu txako. U nga thume mthumo ngu ka dona ditshikudo, awe ni mfana wako, ni dihorana dako, ni txithumi txako txa wamwamna ni txa wamsikati, hambi ni txifuyo txako, ni mpfhumba wule a ku ha m'tini kwako.

Eksodha 16:29

Pimisani ti to Mkoma a mi ningile Sabbata, ditshiku do humula; ngu mhaka yeto, ka ditshiku da wutxhanu ni dimwedo, wa mi rumela sakudya sa masiku mambidi. Ka ditshiku da wutxhanu ni mambidi, mmwani ni mmwani a na zumbe mu ditendani kwakwe asi humi hahanze ka dona.”

Eksodha 16:5

Se ku na maheka taku, ngu ditshiku da wutxhanu ni dimwedo, va na lulamisela sile va no elula; so dingana masiku mambidi, kupinda sile va rolelako ditshiku ni ditshiku.”

Johani 19:31

Vajudha, ngako i nga ti ditshiku da kulongisela, kasiku sirumbi si si zumbi ha txihambanoni dotshe ditshiku da Sabbata, kha ditshuri ditshiku da Sabbata i ti da hombe ngutu, va to tsula veya kombela ka Pilato ti to ve funyetela minenge ya sirumbi, ve gwita ve si thavisa hale.

Eksodha 34:18

Vekisa m'buso wa mapawu o mbi tshumbelwa; amu ka mtxhamu wa masiku ni mambidi, u na dya mapawu o mbi tshumbelwa, amu ka mtxima wa Abhibha, nguko ngu wona mtximewo u nga huma ngu wona ditikoni ka Egipta.

Dhewuteronome 16:8

Mndani ka mtxhanu wa masiku ni dimwedo, u na dya mapawu o mbi tshumbelwa, se ka ditshiku da wutxhanu ni mambidi, ku nava ni msengeletano wa m'buso wo dhumisa Mkoma, Txizimu txako; u nga mahe mthumo ni wawumwewo.”

Isaya 1:13

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Mitengo 28:26

Kufana ni tona eto, ma txi hoka masiku a mihando yo khata, ka mbimo yi mi ningelako mningelo wa wuphya wa sakudya ka Mkoma, madingano ni M'buso wanu wa Mavhiki; mi nga thumeni mthumo ni wawumwewo wo nemela.