Eksodha 12:15 - Bhiblia Yo Sawuleka

¹⁵ Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Eksodha 12:15 Referans Kwoze

Dhewuteronome 16:3

U nga dye dipawu do tshumbelwa; amu ka mtxhanu wa masiku ni mambidi u na dya dipawu da kuxaniseka, (nguko u humile ngu txikuluveta ditikoni ka Egipta) u na maha toneto ka otshe masiku a kuhanya kwako, kasi kukhumbula ditshiku da kuhuma kwako ngu Egipta.

Genesisi 17:14

M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Eksodha 34:18

Vekisa m'buso wa mapawu o mbi tshumbelwa; amu ka mtxhamu wa masiku ni mambidi, u na dya mapawu o mbi tshumbelwa, amu ka mtxima wa Abhibha, nguko ngu wona mtximewo u nga huma ngu wona ditikoni ka Egipta.

Eksodha 23:15

U na vekisa M'buso wa Mapawu o mbi Tshumbelwa. Amu ka mtxhanu wa masiku ni mambidi u na dya mapawu o mbi tshumbelwa, nga ti ni nga kuleletelisa tona, ka mbimo yi yi nga emiselwa, amu ka mtxima wa Abhibhi, nguko ngu wonewo mtxima u nga huma ngu wona ditikoni ka Egipta. Ni wammweyo a nga sikote kuhumelela masoni kwangu a sa ñola txilo;

Dhewuteronome 16:8

Mndani ka mtxhanu wa masiku ni dimwedo, u na dya mapawu o mbi tshumbelwa, se ka ditshiku da wutxhanu ni mambidi, ku nava ni msengeletano wa m'buso wo dhumisa Mkoma, Txizimu txako; u nga mahe mthumo ni wawumwewo.”

Mitengo 28:17

Ka ditshiku da digumi ni mtxhanu, ka wona mtxima wuwa, ku na mahwa m'buso. Se ngu mtxhanu wa masiku ni mambidi, ku na dyiwa mapawu a kwa mbi tshumbelwa.

Eksodha 34:25

U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.

Eksodha 12:8

Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Vagalatiya 5:12

Avale va phayako vhilinganya hagari kwanu va na ye hawa ko gwita ngu ku ti thena!

Mithumo 12:3

Ngako a txi wona ti to ti tsakisile Vajudha, a to engeta e ñola ni Pedro; i ti masiku a mapawu o mbi na mtshumbelo.

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.

Matewu 16:12

Ngu kona va nga ti mana ti to Jesu a sa womba ti to ve ti wonela ka mtshumbelo wa mapawu, aniko ka tigondo ta Vafarisi ni vasadhusi.

Malakiya 2:12

Mkoma a na tutumisa m'thu wu a mahako eto matendani ka Jakobe, wule a wonelelako ni wule a xamulako, ni wule a ningelako siningo ka Mkoma wa Mabutho a Tiyimbi.

Dhewuteronome 16:5

U nga mahe mphaxo wa Pasika, amu ka madhoropa ale Mkoma, Txizimu txako, a no kuninga,

Levhi 17:14

Nguko wutomi wa mmidi ngu mnoha wu txihari txi ku nawo; se ngu toneto, ani ni tsimbile va ka Israyeli, ti to va si dyi mnoha wa txihi ni txihi txihari. Wutomi wa sihari wu mu ka mnoha; awule a wu dyako a na tutumiswa hagari ka vathu va ka kwawe.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Eksodha 31:14

Ti di ngeto, vekisani masabhata angu, nguko kwanu i mhaka yo sawuleka. Awule a di bihisako a na khawuliswa ngu kudawa, awule ka donedo ditshiku a mahako mthumo wokari a na thaviswa hagari ka vathu va ka kwawe.

Luka 2:43

Ngako ma di gumile masiku a m'buso, va to tshumela ve wuya mwani, se Mwanana Jesu a to sala Jerusalema, na va si ti zivi vaveleki vakwe.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

2 Makronika 30:21

Vanana va ka Israyeli, ava va nga ti Jerusalema, va to maha M'buso wa mapawu a kwa mbi tshumbelwa, mtxhanu wa masiku ni mambidi, ngu litsako la hombe. Ditshiku ni ditshiku, Valevhi ni vaphaxeli va ti kwangula va txi dhumisa Mkoma.

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Eksodha 30:38

Awule a no maha tximaha txo fana kasiku e ti mahela dibaselo do bhumula, a na tutumiswa aha ka lihunzu la ka kwawe.”