Eksodha 12:13 - Bhiblia Yo Sawuleka

¹³ Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Eksodha 12:13 Referans Kwoze

Vahebheru 11:28

Ngu likholo a mahile Pasika, a txi xwayela matimba ngu mnoha, kasiku mfuvisi asi gwesi vanana va matiwula a Vaisrayeli.

Eksodha 12:23

Nguko Mkoma a na pinda, kasiku e peka Vaegipta ngu lifo: Se ngako a txi wona mnoha ka mtshunzuti wa txitimwi ni ka misasimo yimbidi, ene a na pinda ngu hahanze ka ditimba asi tumeli ti to txirumwa txa kudaya txi wulela nyumbani kwanu, txi ta mi daya.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Genesisi 17:11

Mi na yisa wukwerani m'thu, ngu kuwila didhowo da magwito ka nyama yakwe, etxo txi na va txikombiso txa Txitumelelano txangu ni nanu.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Joxuwa 2:12

Konkuwa koko, na mi kombela, ni xambanyeleni ngu Mkoma Txizimu, ngako ni nga mi mahela wumbilu, na nanu mi na mahela wumbilu nyumba ya tate wangu, se ni ningeni txikombiso txa ditshuri,

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Eksodha 12:7

Va na teka mnoha wa kona va txi wu tota aha ka tiphande timbidi ta misasimo ni ka mtshunzuti ha txikeni, ka tinyumba ti va no dyela ka tona.

Joxuwa 2:18

aniko ngako hi txi ta ditikoni muwa, se u si sungi ngoti yiya yo bhilivila ha difasitelani hale u nga hi txhikisa ngu kona; kambe u si tisi nyumbani tate wako ni mame wako, ni vananu, ni otshe maxaka a tate wako.