Eksodha 12:12 - Bhiblia Yo Sawuleka

¹² Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Eksodha 12:12 Referans Kwoze

Mitengo 33:4

Vaegipta va to kelelela vale va nga ti datwe ngu Mkoma, ka otshe matiwula, se Mkoma a to lamula sizimu sawe.

Eksodha 12:23

Nguko Mkoma a na pinda, kasiku e peka Vaegipta ngu lifo: Se ngako a txi wona mnoha ka mtshunzuti wa txitimwi ni ka misasimo yimbidi, ene a na pinda ngu hahanze ka ditimba asi tumeli ti to txirumwa txa kudaya txi wulela nyumbani kwanu, txi ta mi daya.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Ezekhiyele 12:16

Aniko, hagari kwawe ni na siya vokari, vo huluka ka ditxhari, ka nzala ni mtungu, kasi ku va na xawutela manyala awe ka matiko ale va no ya ka ona; se va na tiziva taku ani ngani Mkoma.

Jeremiya 43:13

A na khundumusela tiphande ta Bheti-Xemexe ka ditiko da Egipta, a txi hisa tinyumba ta sizimu sa Vaegipta.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Masalmo 82:6

Ani ni wombile ni txi khani: Anu mi sizimu, kambe anu vamwani motshe mi vanana va Nyatxitimwi.

Masalmo 82:1

Txizimu txi khalahatshile msengeletanoni ka nzumani; txi lamula hagari ka sizimu txi txi kha txona:

Eksodha 6:2

Txizimu txi wombile kambe ka Mosi txi txi kha txona: “Ani ngani Mkoma!”

Amosi 5:17

Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.

1 Makronika 14:12

Se va to siya sizimu sawe koneho; kambe Dhavhidha a to leleta taku si hiswa ngu mndilo.

1 Samuwele 5:3

Kambe magwanani ka kona, va ka Asidhodhe va to wuka ni mabimbi-kutxa, ve wona Dhagoni a di wite hahatshi ngu khohe, masoni ka dibhokiso da Mkoma; se va to teka Dhagoni ve mtshumeta ka wukhalo kwakwe.

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Eksodha 21:6

Sekoko nyamne wakwe a na mtisa masoni ka Txizimu, a na mkhigetelisa aha ka ditimba mwendo aha ka msasimo, a na mthola nzeve ngu linyonzi, se a na va i di khumbi yakwe ngu yotshe mbimo.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Masalmo 135:8

Ngene a nga dayela matiwula a Vaegipta kukhukhela ka matiwula a vathu, kala ka matiwula a sihari;

Jeremiya 43:12

A na dhivela mndilo tinyumbani ka sizimu sa Vaegipta ti txihya, a na yisa wukhumbini sifananiso sa sizimu sawe, a na basisa ditiko da Egipta nga ti m'dyisi a thaviselisako tona sigalani ka syambalo sakwe, a txi huma ngu kuthutha.

Jeremiya 46:25

Mkoma wa Mabutho a Tiyimbi, Txizimu txa Israyeli, a khene: Wona taku ni na tsayisa Amoni wa No, ni Faro, ni Egipta, ni sizimu sa kona ni vafumeli vawe; kwakwe apune Faro, ni ka vale va mthembako.

Eksodha 9:6

Se Mangwanani ka kona, Mkoma a mahile toneto a nga ti womba, sihari sotshe sa Vaegipta si manekile si di fite; aniko ni txa tximwetxo txihari txi lumbako vanana va ka Israyeli kha txa fa.

Masalmo 91:7

1.000 wa vathu va na wa didhawa kwako, ni 10.000 txinene kwako, aniko awe khu na mbi hokelwa.

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.