Eksodha 12:11 - Bhiblia Yo Sawuleka

¹¹ Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.

Eksodha 12:11 Referans Kwoze

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Vaefesu 6:15

Mi txi ambala tikathula mikondoni kwanu, kasi kuya txhumayela Evhangeli ya kudikha.

1 Vakorinto 5:7

Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe.

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

Luka 12:35

“Sungani mitshunga siwununi kwanu, mi lumeka malambu anu.

Mitengo 28:16

Aniko ka mtxima wo khata, ka ditshiku da digumi ni mune ka mtxima, i Pasika ya Mkoma.

Levhi 23:5

Ka mtxima wo khata, ka ditshiku da digumi ni mune ka mtxima, ni minova, i Pasika ya Mkoma;

Eksodha 12:43

Mkoma a to khene kambe ka Mosi ni ka Aroni: “Mlayo wa Pasika ngu wuwa: Ni wammweyo mluveli kha na kudya m'buso wa Pasika.

Eksodha 12:21

Sekoko Mosi a to dhana madhota otshe a ka Israyeli, a txi ta khene: “Tsulani, mi ya sawula txinvutana mwendo txihongwana tximwetxo mtxhambini, madingano ni mtengo wa timwaya tanu, mi txi daya, nguko i Pasika.

Luka 15:22

Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Luka 7:38

Se a di zumbile ngu msana kwakwe, a txi dila, a to khata ku nakanisa mikondo ya Jesu ngu mirongo, a txi yi bahulela ngu misisi, a txi yi pswopswa, ngu msana a txi yi totela mafura ale o bhumula.

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Luka 2:41

Vaveleki va Jesu va ti ti ya otshe malembe Jerusalema, ngu mbimo ya M'buso wa Pasika.

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.

Mitengo 9:1

Se Mkoma a to womba ka Mosi amu txiwulani ka Sinayi, ngu mtxima wo khata ka dilembe da wumbidi, msana ka kuva va di humile ngu Egipta, a txi khene:

Dhewuteronome 16:1

Xayisa mtxima wa Abhibha, u mahela Mkoma, Txizimu txako, Pasika, nguko mtxima wa Abhibha ngu wona mtxima wule Mkoma, Txizimu txako, a nga kuhumisa ngu ka wona, ni wusiku, ditikoni ka Egipta.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

2 Vafumeli 23:21

Se mfumeli a to ninga txileleto ka votshe vathu, txo khene: Mahani Pasika ka Mkoma, Txizimu txanu, nga tile ti nga bhaliswa tona ka dibhuku da txitumelelano.

Ezekhiyele 45:21

Ka mtxima wo khata, ngu ditshiku da digumi ni mune ka mtxima, mi na va ni Pasika, i ku mpipi wa mtxhanu wa masiku ni mambidi; ku na dyiwa dipawu da kwa mbi tshumbelwa.