Eksodha 11:8 - Bhiblia Yo Sawuleka

⁸ Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Eksodha 11:8 Referans Kwoze

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

2 Vafumeli 3:9

Sekoko Joramu mfumeli wa ka Israyeli, ni mfumeli wa ka Judha, ni wa Edhomi, va to khukha ve horolokela ngu mpimo wo dingana mtxhanu wa masiku ni mambidi, aniko dibutho ni sifuyo va ngadi naso si si mani mati.

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

Valamuli 8:5

Se Gidhiyoni a to gela vavamna va Sukote, a txi kha ene: “Na mi kombela ti to mi txi ha sikhwemu sa mapawu vathu vava ni ku navo, nguko va karate kasi ku hi mana kututumisa Zebha ni Salmuna, vafumeli va Vamidhiyani.”

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Dhewuteronome 32:24

Va na guma mtamo ngu nzala, ve guma ngu sindeyandeya ni mitungu yo karata ngutu, ni na rumela sihari sa txitinga si txi va kakatxulela ngu makwasa, ni wuxungu wa minyoka, yi tsimbilako lithuluni.

Dhewuteronome 29:24

ni otshe matiko ma na kha ona: “Ngu kutxani Mkoma a txi ti maha toneto ka ditiko diya kani? Ti txhamusa txani kutura ka hombe ka kuhenya kwakwe kani?”

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Vahebheru 11:27

Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Eksodha 10:29

Se Mosi a to khene: “U wombile tona: Kha ni na mbiswa ni txi wona khohe yako kambe.”

Nehemiya 5:6

Sekoko ni di pfite kudila kwakwe ni mapswi aawa, ni to henya ngutu.