Eksodha 11:6 - Bhiblia Yo Sawuleka

⁶ Ngu konaho ditikoni kotshe ka Egipta ku na vaho tihuwa ta masaluko a hombe, aale ma si ziviko ku nga maheka, kukhukhela ka kale, kha ku na mbi vaho kambe ni ka tximwani txikhati.

Eksodha 11:6 Referans Kwoze

Eksodha 12:30

Faro a to wuka ni wusiku, ni otshe mahalamu akwe, ni ditiko dotshe da Egipta; ku to pfala tihuwa ta hombe ta txidilo Egipta kotshe, nguko ku ti si nga ho nyumbani mu ku nga ti si nga ni txirumbi.

Amosi 5:17

Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.

Luka 13:28

Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze.

Zefaniya 1:10

Se ka edo ditshiku, kuwomba Mkoma, ku na pfala huwa kukhukhela ka Txike txa Sihaka; ni xomulo kukhukhela ka didhawa da diphya, ni huwa ya hombe, kukhukhela mimangoni.

Sidilo 3:8

Hambi ni txi dila, ni kupeka huwa, ene kha amukeli mkombelo wangu.

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Isaya 15:8

Nguko huwa yi na hoka mihinganoni ka Mowabhi; kudila kwawe ku na hoka Eglayimi, kala Bheyeri-Eliyi ku na hoka kukuma.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 11:7

Aniko, hagari ka vanana va ka Israyeli, kukhukhela ka vathu kala ka sihari, hambi kudila ka yimbwa kha ku na mbi pfala kasi mi txi tiziva ti to Mkoma a mahile kuhambana hagari ka ditiko da Egipta ni ka vanana va ka Israyeli.

Eksodha 9:18

Wona taku mangwana, ka mbimo yona yiya, ni na maha ti to ma txi wa mati a maralala, ngu mtamo, aawa ma si ziviko kuwa ditikoni ka Egipta, kukhukhela makhatoni ka dona kala nyamsi.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.