Eksodha 11:5 - Bhiblia Yo Sawuleka

⁵ Votshe vanana va matiwula vo velekwa ditikoni ka Egipta va na fa, kukhukhela ka matiwula a Faro, awu a nga ti ni fanelo yo khalahatsha ha txikhaloni kwakwe ka wukoma, kala ka matiwula a txithumi txakwe atxi txi thumako ha txigayoni, hambi ni matiwula a sihari sakwe so fuya si na fa.

Eksodha 11:5 Referans Kwoze

Masalmo 78:51

Txi mahile ti to va txi fa vanana va matiwula va Egipta, matiwula a nyumba ni nyumba ya ka Hamu ma txi fa.

Matewu 24:41

Ku na maneka vavasikati vambidi va txi gaya ngu txigayo: Mmweyo a na tekwa, mmwani e lekwa.

Masalmo 136:10

Awule a nga dayela matiwula a Vaegipta; nguko lirando lakwe nda kala kupinduka!

Masalmo 135:8

Ngene a nga dayela matiwula a Vaegipta kukhukhela ka matiwula a vathu, kala ka matiwula a sihari;

Masalmo 105:36

Txi tsayisile ngu lifo vanana va matiwula vanana vo khata, ka totshe timwaya ta Vaegipta.

Eksodha 13:15

Nguko, ngako Faro a di bangisile mbilu yakwe, asi hi leki hi txi huma, Mkoma a date otshe matiwula a ditikoni ka Egipta, kukhukhela ka matiwula a vathu kala ka matiwula a sihari. Ngu toneto, hi phaxako ka Mkoma ngu matiwula otshe a txiwamna, aniko ha wukhaloni ka vanana vathu va txiwamna hi phaxa ngu sifuyo.

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Eksodha 4:23

Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Vahebheru 11:28

Ngu likholo a mahile Pasika, a txi xwayela matimba ngu mnoha, kasiku mfuvisi asi gwesi vanana va matiwula a Vaisrayeli.

Sidilo 5:13

Va kurumeta majaha kuya gaya, se vafana va dhedherekela ni tinyanda ta tikhuni.

Isaya 47:2

Teka txigayo u gaya mpupu; thavisa difaduku ha msungo, thavisa ni tikathula, kunya tinguwo tako u txhatuka minambo.

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.