Eksodha 11:4 - Bhiblia Yo Sawuleka

⁴ Mosi a wombile ka Faro a txi khene: “Mkoma a khene: Hagari ka wusiku ni na pinda ngu hagari ka ditiko da Egipta.

Eksodha 11:4 Referans Kwoze

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Masalmo 60:10

Ina hi nga awe, Txizimu, u nga ti hi lekile, kani? U to hi rethetela kule, u si swi u pangalata mabutho athu a tiyimbi, kani?

Jobe 34:20

Vona, ngu mbimoanyana vafa; se hambi hagari ka wusiku vathu va xaniswa, ve pinda, ni va mtamo ngutu va tekwa, va si ti lweli.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Matewu 25:6

Se ngu hagari ka wusiku, ku to pfala dipswi, va txi kha vona: ‘Ndiyo wata mteki! Mu hingeteni!’

Mika 2:13

Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

Amosi 5:17

Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.

Isaya 42:13

Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.

2 Samuwele 5:24

Se mbimo yi u no pfa sigingi sa mikondo amu ka mazokoro a mimora, sekoko u na huma ngu kukuluveta; nguko Mkoma a na va a di thangete masoni kwako, kasi kuya dayela wugovelo wa Vafilista.

Eksodha 12:23

Nguko Mkoma a na pinda, kasiku e peka Vaegipta ngu lifo: Se ngako a txi wona mnoha ka mtshunzuti wa txitimwi ni ka misasimo yimbidi, ene a na pinda ngu hahanze ka ditimba asi tumeli ti to txirumwa txa kudaya txi wulela nyumbani kwanu, txi ta mi daya.

Masalmo 81:5

Mthetho wu va nga ningwa vanana va Josefa, mbimo yi va nga huma ngu Egipta. Ni engisile dipswi di ni si ziviko ku di pfa, di txi kha dona: