Eksodha 11:3 - Bhiblia Yo Sawuleka

³ Mkoma a mahile ti to vathu vakwe va txi mana makatekwa, ditikoni ka Vaegipta, masoni ka mahalamu a Faro ni masoni ka vathu votshe.

Eksodha 11:3 Referans Kwoze

Eksodha 12:36

Mkoma a mahile ti to vathu vakwe ve mana mathomo masoni ka Vaegipta, aha ko Vaegipta va ti ti va ninga si va nga ti si kombela: Ngu mhaka yeto, va ka Israyeli va handile ka Vaegipta so tala nga ti va nga kombelisa tona.

Eksodha 3:21

Ni na maha ti to vathu vava ve mana kateko masoni ka Vaegipta; ngako mi txi huma, kha mi na mbi tsula mi si nga ni txilo.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Esteri 9:4

Nguko Mordhekayi i ti ti wa hombe nyumbani ka mfumeli, ni wudhumo wakwe wu pfate ka otshe matiko a hombe; nguko wamwamna wule Mordhekayi a ti ti ya masoni ngu kukula.

2 Samuwele 7:9

Se ni tsute ni nawe, ni hani mu u ngaya kona, kambe ni xasete valala masoni kwako, ni kulisa ditina dako, kufana ni matina a vahombe va va kuho ha mafuni.

Dhewuteronome 34:11

Kha nga ho mmwani a fanako nayo amu ka sotshe sikombiso ni sidiwukiso, si Mkoma a nga mruma ku si maha ditikoni ka Egipta, sa kutsayisa Faro, ni votshe vathu vakwe ni dotshe ditiko dakwe.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Eksodha 12:35

Vanana va ka Israyeli va to maha nga ti Mosi a nga ti wombile, va to kombela ka Vaegipta siya sa silivhela, siya sa nzalama ni syambalo.

Dhewuteronome 34:10

Ka va ka Israyeli, kha nga humelela kambe mmwani mprofeti wo fana ni Mosi, awu Mkoma a nga m'ziva, khohe ni khohe.

Joxuwa 4:14

Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.