Eksodha 11:2 - Bhiblia Yo Sawuleka

² Ngu mhaka yeto, gela vathu ti to wamwamna a na kombele ka muakelani wakwe, wamsikati a na kombele ka muakelani wakwe, siya sa silivhela ni sa nzalama.”

Eksodha 11:2 Referans Kwoze

Eksodha 3:22

Nguko wamsikati mmwani ni mmwani a na kombela ka mwakelani wakwe ni ka mmuyi wakwe, siya sa silivhela ni siya sa nzalama, hambi ni syambalo si mi no ambeka vanana vanu va majaha ni vanana vanu vamahorana; se mi na handa Egipta.

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Hagayi 2:8

Txangu i silivhela, ni nzalama txhangu, kuwomba Mkoma wa Mabutho a Tiyimbi.

Mavingu 13:22

M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.

Masalmo 105:37

Txizimu txi humisile vathu va txona, va di rwate silivhela ni nzalama ku ti si nga ho wo lwala hagari kwawe.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Eksodha 35:22

Vavamna ni vavasikati, votshe avale va nga txi ti lava ngu mbilu, va to kombisa, va txi heleketa masinda, singeda, tiphera, tiketani sotshe simaha sa nzalama; mmwani ni mmwani a to maha mningelo wa nzalama, awule a nga wu longisela kuva wa Mkoma.

Eksodha 32:24

Sekoko ani ni va gete tiya: “Awule a ku ni nzalama a na yi thavise.” Va to yi tanyulela kwawe va txi ni ninga; ani ni to yi rinza ha mndiloni, se ku txi huma dirole diya.

Genesisi 31:9

Txizimu txi tekile mtxhambi wa tate wanu, txi txi ni ninga.

Genesisi 24:53

Se awu wa txithumi a di humisile siya sa silivhela, ni sa nzalama, ni tinguwo, a to si ningela ka Rebheka; e ninga kambe ndiyakwe Labhani ni mame wakwe, sihiwa sa lisima la hombe.

Eksodha 3:21

Ni na maha ti to vathu vava ve mana kateko masoni ka Vaegipta; ngako mi txi huma, kha mi na mbi tsula mi si nga ni txilo.