Eksodha 10:9 - Bhiblia Yo Sawuleka

⁹ Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 10:9 Referans Kwoze

Eksodha 5:1

Ngu msana ka totshe Mosi ni Aroni va to tsula va txi ya wonana ni Faro, va txi ya kha vona: “Mkoma, Txizimu txa ka Israyeli, a womba tiya: Leka vathu vangu ve tsula, kasiku va txi ya ni mahela m'buso txiwulani.”

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

Mavingu 3:9

Dhunda Mkoma ngu thomba yako, ni sotshe so khata sa mu ka dibhindu dako;

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Eksodha 13:6

Mi na dya mapawu o mbi tshumbelwa mndani ka mtengo wa mtxhanu wa masiku ni mambidi, se ka ditshiku da wutxhanu ni mambidi ku na vaho m'buso wo dhumisa Mkoma.

Eksodha 5:3

Vona va wombile va txi kha vona: “Txizimu txa Vahebheru txi tile kwathu. Ngu mhaka yeto hi leke hi txi teka dipfhumba da masiku mararu hi txi tsimbila mu txiwulani, kasi ku hi txi ya phaxa ka Mkoma, Txizimu txathu, kasi txi si hi dayi ngu mtungu ni ditxhari!”

Genesisi 50:8

Va tsute nayo votshe va mwaya wa Josefa, vanawe, ni yotshe ngamu ya tate wakwe. Ditikoni ka Goxeni ku to sala vanana vawe dwe ni mitxhambi yawe ya tinvuta ni ya tihomu.

Eksodha 10:10

Sekoko Faro a wombile a txi khene: “Mkoma a nave ni nanu, nga ti ani ni txi mi leka mi txi tsula ni vanana vanu; wonani ti to mi na ni mipimiso yo biha!

Eksodha 10:26

Ni sona sifuyo sathu hi na tsula naso; kha ku na mbi sala hambi ni txala txathu, nguko hi na ya thavisa koneyo asi hi felako kukhozela ngu sona Mkoma, Txizimu txathu, hambi athu hi fanete kuya thavisa ka sona asi Mkoma a ku ni fanelo yo mahelwa mphaxo ngu sona, ngako hi di hokile koneyo.”

Eksodha 12:32

Tekani kambe mitxhambi yanu ya tinvuta ni ya tihomu, nga ti mi nga kombela, tsulani kambe ni katekiseni nani.

Eksodha 12:37

Vanana va ka Israyeli va to khukha didhoropani ka Ramesesi, va txi tsula Sukote, vo dingana 600.000 wa vavamna, ku si balwi ni vafana.

Eksodha 12:38

Ku to huma kumweko navo dibutho da hombe da vathu va tixaka to hambana, ni tinvuta ni tihomu, ni simwani sihari sasingi ngutu.