Eksodha 10:7 - Bhiblia Yo Sawuleka

⁷ Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Eksodha 10:7 Referans Kwoze

1 Samuwele 18:21

Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

Joxuwa 23:13

ngu ditshuri ti ziveni konako ti to Mkoma, Txizimu txanu, a na leka kututumisa vamatiko vava masoni kwanu: Va na phinduka va txi maha likoka ni litshenga hagari kwanu, va na maha limhika makatani kwanu, ni mipa ka maso anu, kala mi txi fuva mu ka ditiko diya da dinene, adi Mkoma, Txizimu txanu, a nga mi ninga.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

1 Vakorinto 7:35

Ni womba tiya kufela ku mi vhuna; i si nga ku mi riyela. Ni xuva kuwomba ti i ku ta lisima la hombe ni ti ti sikotako ku mi tshanganisa ni Mkoma ngu kuenelela.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Jeremiya 51:8

Ngu mbimo ya yidotho, Bhabhilona a wite, a fuvisilwe; m'dileleni, thelani mrende wo malata kupanda kwakwe, mwendo ku na hola.

Jeremiya 48:4

Mowabhi a hasamutwe; vanana vakwe va pfate kudila.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Isaya 14:20

Khu na mbi tshotshwa kumweko navo, nguko u haxute ditiko dako, u dayela vathu vako, lihunzu la va kubiha kha li na mbi khumbukwa.

Mavingu 29:6

Ku ni mlawu masoni ka m'thu wu i ku m'hambunyeti, aniko awule wo lulama, o embelela e ti tsakela ngutu.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Eksodha 12:33

Vaegipta va to kurumeta vathu va ka Israyeli ti to va txi huma ngu kukuluveta mu ditikoni kwawe, na va txi womba va txi kha vona: “Hotshethu hi na fa.”

1 Samuwele 5:11

Se va to rumela vathu kuya sengeleta votshe vatahngeli va Vafilista, va txi kha vona: Tshumetani dibhokiso da Txizimu txa ka Israyeli ka wukhalo wa dona, kasiku di si hi dayi athu hambi va kakwathu. Nguko ka dotshe didhoropa ku ti ni kukarateka ko thava kufa, kambe dianza da Txizimu di nemelete ngutu koneho.