Eksodha 10:28 - Bhiblia Yo Sawuleka

²⁸ Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”

Eksodha 10:28 Referans Kwoze

Amosi 7:13

Kambe a ha Bheteli, kukhukhela kuwa kala kupinduka, khu na mbi ngadi u profeta kambe, nguko wukhalo wo sawuleka wa mfumeli ni nyumba ya mfumo.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Vahebheru 11:27

Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Eksodha 10:11

Kha ti na mbi maheka eto, aniko tsulani anu mokha vavamna, mi txi ya khozela Mkoma Txizimu; nguko ngu toneto anu mi nga kombela tona.” Se va to va tutumisa masoni ka Faro.

Eksodha 18:4

Ani mmwenyane i ti Eliyezeri, nguko a ti khene: “Txizimu txa tate wangu, txi ni hulukisile ka ditxhari da Faro.”