Eksodha 10:27 - Bhiblia Yo Sawuleka

²⁷ Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

Eksodha 10:27 Referans Kwoze

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Eksodha 11:10

Mosi ni Aroni va mahetete sidiwukiso sotshe masoni ka Faro. Aniko Mkoma a bangisile mbilu ya Faro, e va lambela kuleka vanana va ka Israyeli va txi tsula, va txi huma ditikoni kwakwe.