Eksodha 10:26 - Bhiblia Yo Sawuleka

²⁶ Ni sona sifuyo sathu hi na tsula naso; kha ku na mbi sala hambi ni txala txathu, nguko hi na ya thavisa koneyo asi hi felako kukhozela ngu sona Mkoma, Txizimu txathu, hambi athu hi fanete kuya thavisa ka sona asi Mkoma a ku ni fanelo yo mahelwa mphaxo ngu sona, ngako hi di hokile koneyo.”

Eksodha 10:26 Referans Kwoze

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

2 Vakorinto 8:5

Na hi sa ti verela, vona va thangile ngu ku ti ningela ka Mkoma, ngu msana ve ti ningela ni kwathu ngu kuranda ka Txizimu.

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Isaya 23:18

Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.

Mavingu 3:9

Dhunda Mkoma ngu thomba yako, ni sotshe so khata sa mu ka dibhindu dako;

Eksodha 12:32

Tekani kambe mitxhambi yanu ya tinvuta ni ya tihomu, nga ti mi nga kombela, tsulani kambe ni katekiseni nani.

Eksodha 10:9

Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 10:25

Kambe Mosi a to khene: “U na veka manzani kwathu asi si lavekako, kasi kuya phaxa ngu sona ni ku si ningela ka Mkoma, Txizimu txathu.

Eksodha 8:27

Hi leke hi tsula, hi txi tsimbila mnava wa masiku mararu txiwulani, ngu kona hi no ya phaxa Mkoma, nga ti ene a nga hi gelisa tona.”