Eksodha 10:21 - Bhiblia Yo Sawuleka

²¹ Sekoko Mkoma a to khene ka Mosi: “Guleta dianza dako u txi di komba nzumani, kasi ku ku txi maneka txidema txa hombe, txo hambi vathu va nga txi gwesa.”

Eksodha 10:21 Referans Kwoze

Judha 1:6

Se tingelozi ti ti nga mbi veketa wukoma wa tona, aniko ti nga leka wukhalo wa tona, a ti vekile mtemani, ti di sungilwe ngu makhodha o mbi guma, ti verela kulamulwa ka ditshiku da hombe.

2 Pedro 2:17

Vathu vava va fana ni sisima so mbina mati, ni marefu awa ma susumetwako ngu moya wa txihuhuri. Se txidema txa hombe ngutu txi va rinzete.

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

Luka 23:44

Ngu txikhati txo lava kudingana ni txa wutxhanu ni tximwetxo, txidema txi to khubhunyeta dotshe ditiko kala txikhati txa wutxhanu ni mune,

Marku 15:33

Se ku di hokile txikhati txa wutxhanu ni tximwetxo, ku to phuma txidema ka dotshe ditiko kala ka txikhati txa wutxhanu ni mune.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Masalmo 105:28

Txizimu txi rumete txidema txi fenengeta Vaegipta, aniko vona kha va khatala ngu txiziviso txiya.

Dhewuteronome 28:29

ni mitshikari, u na tsimbila ngu kumbumbutela nga dibhofu, adi di mbumbutelako mtemani, mithumo yako kha yi na mbi humelela kotshe tinzilani kwako. U na xuphwa u txi handwa otshe masiku, ku si maneki ni wammweyo wo kuvhikela.

Eksodha 9:22

Sekoko Mkoma a to khene ka Mosi: “Nawuluta dianza dako u txi di komba nzumani, kasi ma txi wa mati a maralala ka ditiko dotshe da Egipta, txitimwi ka vathu, txitimwi ka sihari ni txitimwi ka mwasi wotshe mu tithembweni ni ka ditiko dotshe da Egipta.”

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Ekleziyaste 6:4

Nguko a tile walo, a mwalalela txidemani, ni ditina dakwe di fenengetilwe ngu txidema.

Ekleziyaste 2:14

Maso a txhari ma ha msungo ka yona, aniko txiphukuphuku txi tsimbila txidemani; kambe ni to ti pfisisa taku votshe va humelelwa ngu mhaka yimweyo.

Masalmo 78:49

Txi to rinza txitimwi kwawe mndilo wa kuhenya ka txona, txiviti, dikhulo, dikhombo, kota txikombiso txa sixaniso.

Masalmo 35:6

Nzila yawe yi nave ni txidema ni ku rithimuka; ni mtamo wa Mkoma wu na va hinge.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Eksodha 7:19

Mkoma a wombile kambe ka Mosi, a txi khene: “Gela Aroni u txi khawe: Teka ndonga yako u txi guleta dianza dako txitimwi ka mati a Egipta, txitimwi ka minambo yawe, txitimwi ka milonga yawe, txitimwi ka magova awe ni txitimwi ka sisima sawe sotshe, kasi mati ma na txitxeka ma txi maha mnoha. Wu na maneka mnoha mu ditikoni kotshe ka Egipta, hambi ni mu ka siya so vatwa mwendo sa marigwi!”

Ezekhiyele 32:7

Aha ni no ku tima, ni fenengeta nzuma, ni txi phumisa tinyeleti ta kona; ditambo ni na di tsivela ngu direfu, se mtima kha wu na mbi woninga.

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Jobe 5:14

Vona hambi di ti txite va maneka txidemani; se ni mitshikari va tsimbilisa kumbumbutela, nga ova wusiku.