Eksodha 10:2 - Bhiblia Yo Sawuleka

² Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Eksodha 10:2 Referans Kwoze

Joyeli 1:3

Xawutelani matimu awa ka vanana vanu, se vanana vanu ka vanana vawe, ni vanana vava ka limwani liveleko.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Eksodha 7:17

Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Masalmo 71:18

Se konkuwa, ni nga kumba ni basa misisi, awe Txizimu, u nga ni leke, nguko ni ngadi ni txi na xawutela ka liveleko liya ni ka va va nota, wukoma wako ni mtamo wako.

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

2 Samuwele 7:22

Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu.

Eksodha 8:6

Aroni a to guleta dianza dakwe txitimwi ka mati a ditiko da Egipta, makhele ma to huma ma txi tata ditiko da Egipta.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Eksodha 14:18

Se Vaegipta va na tiziva ti to ani ngani Mkoma, ka mbimo yi ni no dhumiswa ka Faro, ka sikotxikani sakwe ni ka vagadhi vakwe va mahantxhi.”

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 78:3

timhaka ti hi nga tiengisa, hi txi ti gonda ati vakale vathu va nga hi xawutela.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.