Eksodha 10:19 - Bhiblia Yo Sawuleka

¹⁹ Sekoko Mkoma a to maha to moya wa mswa-ditambo wu txi futeta ngu mtamo, se moya wonewo wu to khukhula humbi yotshe wu txi ya yi vhunga lineneni ko Bhilivila; aha ku nga mbi sala ni ya yimweyo humbi ka dotshe ditiko da Egipta.

Eksodha 10:19 Referans Kwoze

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Vahebheru 11:29

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Eksodha 15:4

A bhwabhwamelisile mu lineneni, sikotxikani ni dibutho da yimbi ya Faro; manganakana akwe o thembeka ma bhwabhwamete mu ka linene lo Bhilivila.

Eksodha 13:18

Konako, Txizimu, txi mahile ti to vathu va txi tenderuka ngu nzila ya txiwula hafuhi ni lineneni lo Bhilivila; kambe vanana va ka Israyeli va humile ngu ditikoni ka Egipta va di xomile.

Eksodha 10:18

Mosi, ngako a di khukhile masoni ka Faro, a to khongela ka Mkoma.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Masalmo 109:23

Ni na mwalala nga mtsudi wu wu thavako; va ni gubhuza nga humbi!