Eksodha 10:15 - Bhiblia Yo Sawuleka

¹⁵ Nguko yi to fenengeta kotshe txitimwi ka mafu, se mafu ma to phuma; se yi to dyela mwasi wotshe ha mafuni ni mihando yotshe ya mindonga, ayi yi nga ti sitwe ngu maralala; kha ka sala ni txa tximwetxo txo hanya mu ka mindonga, hambi mwasi, ka dotshe ditiko da Egipta.

Eksodha 10:15 Referans Kwoze

Eksodha 10:5

Humbi yi na fenengeta otshe mafu, aha koza mafu ma si koteki kuwoneka; humbi yi nadya asi si nga sala, si nga sala ka maralala; kambe yi nadya mindonga yanu yotshe, ayi yi kulako mu tithembweni.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Masalmo 78:46

Txi ningete timbewu tawe ka mipungu ni mihando ya mtamo wawe ka humbi.

Eksodha 10:12

Sekoko Mkoma a to womba ka Mosi a txi khene: “Guleta dianza dako txitimwi ka ditiko da Egipta, kasiku humbi yi txi ta txitimwi ka ditiko da Egipta, yi ta dya wotshe mwasi wa ditiko, ni sotshe si mati a maralala ma nga ti si siyile.”

Amosi 7:2

Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

Mitengo 22:5

Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu!

Mavingu 30:27

tihumbi kha ti nga ni mfumeli; aniko totshe ta huma, ti abanelana ngu mitxawa;

Joyeli 1:4

Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.