Eksodha 10:13 - Bhiblia Yo Sawuleka

¹³ Sekoko Mosi a to guleta ndonga yakwe txitimwi ka ditiko da Egipta. Mkoma a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi.

Eksodha 10:13 Referans Kwoze

Matewu 8:27

Se vathu va to xamala va txi kha vona: “I m'thu muni wuwa wa ku hambi txihuhuri ni linene si txi mu engisa kani?”

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Jona 1:4

Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Masalmo 148:8

tinyangafula ni maralala, hunguva ni txyandela; moya wa hombe wu engisako dipswi dakwe;

Masalmo 105:34

Txizimu txi rumile, ku so humelela humbi; ni txigoñwani txo mbi balwa.

Masalmo 78:26

Txi to humisa ngu nzumani diphuho da wutxani se ngu mtamo wa txona txi tisa diphuho da wulambwe!

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Genesisi 41:6

Aniko msana keto, a to wona yimwani mihumbo ya kuwuniswa ni kuhiswa ngu moya wa wutxani, yi txi mila ngu msana ka yile yo khata.

Masalmo 78:46

Txi ningete timbewu tawe ka mipungu ni mihando ya mtamo wawe ka humbi.

Mavingu 30:27

tihumbi kha ti nga ni mfumeli; aniko totshe ta huma, ti abanelana ngu mitxawa;