Eksodha 10:10 - Bhiblia Yo Sawuleka

¹⁰ Sekoko Faro a wombile a txi khene: “Mkoma a nave ni nanu, nga ti ani ni txi mi leka mi txi tsula ni vanana vanu; wonani ti to mi na ni mipimiso yo biha!

Eksodha 10:10 Referans Kwoze

2 Makronika 32:15

Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

Eksodha 13:21

Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Eksodha 10:9

Se Mosi a xamute a txi khene: “Hotshethu hi na tsula, mazambi athu ni madhota athu, ni vanana vathu vavafana ni vamahorana, ni mitxhambi yathu ya tinvuta ni ya tihomu, hi na huma naso hi txi tsula; nguko ku nava i di m'buso ka Mkoma, Txizimu txathu.”

Eksodha 10:11

Kha ti na mbi maheka eto, aniko tsulani anu mokha vavamna, mi txi ya khozela Mkoma Txizimu; nguko ngu toneto anu mi nga kombela tona.” Se va to va tutumisa masoni ka Faro.

Eksodha 10:24

Sekoko Faro a to dhana Mosi ni Aroni a txi va gela tiya: “Tsulani, mi txi ya khozela Mkoma, Txizimu txanu. Ku na sale mitxhambi ya tinvuta ni ya tihomu dwe; vanana vanu tsulani navo.”