Eksodha 1:7 - Bhiblia Yo Sawuleka

⁷ vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Eksodha 1:7 Referans Kwoze

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 1:28

Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

Genesisi 47:27

Ngu toneto, Israyeli a zumbile ditikoni ka Egipta, ka wukhalo wa Goxeni. Koneyo vona va to mana mipeto, va txi velekela, ve anda ngutu.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 9:1

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Dhewuteronome 10:22

Vakale vako i ti mtxhanu wa magumi ni mambidi dwe, mbimo yile va nga wulela ditikoni ka Egipta, konkuwa Mkoma, Txizimu txako, a ku andisile u txi tala nga tinyeleti ta nzumani.”

Genesisi 48:4

txi txi ni gela tiya: Ani ni na maha ti to u txi anda, ngu ngawe ani ni na tumbulukisa tihunzu ta tingi ta vathu, ditiko diya ni na di ningela ka liveleko lako, di txi va thomba ya lona kala kupinduka.

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Masalmo 105:24

Txizimu txi andisile ngutu vathu va txona, txi va ninga mtamo wo pinda valala vawe.

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 1:20

Se Txizimu txi to kha txona: “Matini ku na maneke sivangwa sasingi so hanya; se ka mpfhuka wa nzuma ku na purumapurume sinyana.”

Eksodha 12:37

Vanana va ka Israyeli va to khukha didhoropani ka Ramesesi, va txi tsula Sukote, vo dingana 600.000 wa vavamna, ku si balwi ni vafana.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Mithumo 13:17

Txizimu txa ditiko diya dathu va ka Israyeli, txi sawute vatate vathu, txi va guleta vathu vava, va di ngadi ditikoni ka Egipta.

Genesisi 26:22

Ti di ngeto, Isaake a to khukha hale, eya kela tximwani txisima, aha ku nga mbi va ni kuphikizana, se e txi dhana ku i Rehobhoti, a txi khene: “Nguko Mkoma a hi ningile wukhalo wo thandawuka, se hi na velekela ditikoni muwa.”

Eksodha 1:12

Aniko, hambiko Vaegipta va nga ti va xupha, Vaisrayeli va manekile va txi anda ni kukula; se Vaegipta va to karateka ngutu ngu mhaka ya vanana va Israyeli.

Eksodha 5:5

Se Faro a to engeta a txi khene: “Vathu vava mbangi ngutu mu ditikoni, kambe anu mi lava ku va lekisa mithumo yawe!”

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

Ezekhiyele 16:7

Ni kumahile u anda nga similwa sa txitingani, u kute, u mahile wa hombe, kambe u tshurile ngutu; titshumbu tako ti kute, ni misisi yako yi kute; aniko u sa fenengetwa, u ti ti tximbwiri.