Eksodha 1:21 - Bhiblia Yo Sawuleka

²¹ Se ku to maheka taku, ngako vahefemulisi va nga txi thava Txizimu, txona txi to katekisa tinyumba tawe.

Eksodha 1:21 Referans Kwoze

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

1 Samuwele 2:35

Se ani ni na ti emisela mphaxeli wo thembeka, awu a no maha madingano ni kulava ka mbilu yangu ni muhefemulo wangu, kambe ani ni na muakela nyumba yo tsana, aniko a na tsimbila masoni ka msawuleki wangu kala kupinduka.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

1 Vafumeli 2:24

Konkuwa, Mkoma a hanyako, awu a nga ni tsanisa e ni khalahatshisa ha txikhaloni ka wukoma ka Dhavhidha, tate wangu, awu a nga ni akela nyumba, nga ha a nga ti wombile; nyamsi, a na fa Adhoniya.”

1 Samuwele 25:28

Divalela koko, txithumi txako txa txisikati ka mnandu wuwa, nguko ngu ditshuri Mkoma a na tsanisa nyumba ya nyamne wangu, nguko nyamne wangu a lwa tiyimbi ta Mkoma, kambe kha ku khali kumaneka wubihi kwako ka otshe masiku ako.

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Jeremiya 35:2

Tsula ka nyumba ya va ka Rekabhi, u txi ya womba-womba, u va heleketa Nyumbani ka Mkoma, ka wumwewo wa makhalo, u txi ya va ninga vhinya ve sela.

Mavingu 24:3

Nyumba yi akwa ngu wutxhari, kambe yi tsaniswa ngu mapimo amanene;

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Eksodha 1:17

Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.