Eksodha 1:17 - Bhiblia Yo Sawuleka

¹⁷ Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

Eksodha 1:17 Referans Kwoze

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Eksodha 1:21

Se ku to maheka taku, ngako vahefemulisi va nga txi thava Txizimu, txona txi to katekisa tinyumba tawe.

Luka 12:5

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Dhaniyeli 6:13

Sekoko va to xamula masoni ka mfumeli, va txi kha vona: Dhaniyeli i ku mmweyo wa vale va nga tiswa ngu ditikoni ka Judha, kha kuengisi, awe mfumeli, hambi txileleto txi u nga sayina; ati mahela mikombelo yakwe kuraru ngu ditshiku.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Masalmo 31:19

Mbwa hombe ngutu wunene wako, Mkoma! Awu u nga wu lulamisela avale va kuthembako; awu u mahelako vona vale va kuthembako, masoni ka votshe.

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Hoseya 5:11

Efrayime a ha kuxanisekani, ni kukarala ka mialakanyo, nguko a lavile kutsimbila ngu nzila yo biha.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

Eksodha 1:18

Sekoko mfumeli wa Egipta a to dhana vahefemulisi, a txi va gela tiya: “Ngu kutxani mi leka vanana vavafana ve hanya kani?”

1 Samuwele 22:17

Se mfumeli a to khene ka vawoneleli vakwe, vale va nga ti kumweko nayo: Hundulukani mi daya vaphaxeli va Mkoma, nguko ni vona va pfana ni Dhavhidha, nguko va ti zivile to a tutumile kambe kha va ni zivisa. Aniko sithumi sa mfumeli kha sa tumela kudaya vaphaxeli va Mkoma.

2 Samuwele 24:4

Ngu kumaha keto, dipswi da mfumeli di to xula Jowabhi ni vathangeli va dibutho da yimbi. Jowabhi koko ni vathangeli va dibutho yimbi, va to khukha masoni ka mfumeli veya bala vathu va ka Israyeli.

Esteri 3:3

Sekoko sithumi sa mfumeli, sile si nga ti ha txikeni ka mfumeli, si to kha sona ka Mordhekayi: Ngu kutxani u ndaka mlayo wa mfumeli kani?