Eksodha 1:16 - Bhiblia Yo Sawuleka

¹⁶ “Nga ti mi txi hefemulisa va sirumbu sa vasikati va Vahebheru, wonisisani vanana va kona. Nga ti i di mfana, dayani; aniko i di mwanana wa dihorana, mlekeni e hanya.”

Eksodha 1:16 Referans Kwoze

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.

Mithumo 7:19

Mkomeyo a xanisile lixaka lathu ngu wurindi: Tshofu yakwe yi mahile ti to vatate vathu ve tshotsha vanana vawe vapune kasiku va si ngadi ve hanya.

Vahebheru 11:23

Ngu likholo, Mosi, a di velekilwe, a to ya siswa ngu vatate vakwe kuza kuguma mitxima yiraru, nguko va mu woni kutshura, va si khatali txilo ngu mthetho wa mfumeli.

Eksodha 1:15

Se mfumeli wa Egipta a to womba ka vahefemulisi va Vahebheru (evo mmwani a nga txi dhanwa ku i Sefira, se ditina da mmwani i Fuwa), a txi khene:

Masalmo 105:25

Txi mahile ti to Vaegipta ve venga vathu va txona ve fumela ngu tshofu vathumi va txona.