Eksodha 1:12 - Bhiblia Yo Sawuleka

¹² Aniko, hambiko Vaegipta va nga ti va xupha, Vaisrayeli va manekile va txi anda ni kukula; se Vaegipta va to karateka ngutu ngu mhaka ya vanana va Israyeli.

Eksodha 1:12 Referans Kwoze

Masalmo 105:24

Txizimu txi andisile ngutu vathu va txona, txi va ninga mtamo wo pinda valala vawe.

Eksodha 1:9

Eyo a to khene ka vathu vakwe: “Wonani ti to vathu vava, i ku vanana va ka Israyeli mbavangi, kambe va ni mtamo ngutu kupinda athu.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Johani 12:19

Vafarisi koko va to gelana, va txi kha vona: “Hi nga wonani! Athu kha hi na mbi kota txilo. Ma ti wona ti to ditiko dotshe di londetela ene.”

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Eksodha 1:20

Ngu mhaka yeto, Txizimu txi katekisile vahefemulisi. Se vathu va to talelana, ni kumaha va mtamo ngutu.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Mitengo 22:3

Se Mowabhi a to dhudhumela ngutu, ngu kuwona kutala ka vanana va ka Israyeli.

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.